ମନେପଡେ

ମନେପଡେ ଆଜି ମୋର 

ସେଇ ପିଲାଦିନର କଥା

ସେଇ ଅଗଷ୍ଟ ମାସ ପନ୍ଦର ତାରିଖ

ହାତରେ ଥାଏ ତ୍ରିରଙ୍ଗା ପତାକା

ପକେଟ ଭିତରେ ପୁଳା ପୁଳା ଚକଲେଟ

ବାଣ୍ଟି ଦେଉ ସାଙ୍ଗ ସାଥୀଙ୍କ ମେଳରେ ll

ସେ ଚକଲେଟ ବାଣ୍ଟିବାରେ ବି 

ଥାଏ ଅପୂର୍ବ ଆନନ୍ଦ

ମନ ନାଚିଉଠେ ସ୍ୱାଧିନତା ଦିବସ ଅବସରରେ

ଭରିଯାଏ ଦେହରେ ଅପୂର୍ବ ଶିହରଣ

ଶୁଣି ଶିକ୍ଷକ ଶିକ୍ଷୟିତ୍ରୀଙ୍କ ପାଖରୁ

ଦେଶପ୍ରେମୀର ଅପୂର୍ବ ଗାଥା ll

ଏବେ କିନ୍ତୁ ସମୟ ବଦଳିଛି

କିନ୍ତୁ କମି ଯାଇନାହିଁ

ଆଗର ସେ ଉତ୍ସାହ

ବରଂ ବହୁଗୁଣିତ ହୋଇଛି

ବର୍ତ୍ତମାନର ପରିସ୍ଥିତିରେ ll

ପିଲାଦିନର ସେ କଥା

ଏବେ ମଧ୍ୟ ଗୁଞ୍ଜରିତ ହେଉଛି

ପ୍ରେରଣା ଯୋଗାଉଛି

ଅନ୍ୟ ମାନଙ୍କୁ ପ୍ରେରଣା ଦେବାପାଇଁ ll

ସତରେ ଆମ ଦେଶ

ବହୁତ ମହାନ

ବିଭିନ୍ନତା ମଧ୍ୟରେ ଏକତା ହିଁ

ଆମର ସର୍ବଶ୍ରେଷ୍ଠ ପରିଚୟ ll