ମନ କୁ କରିବl ସରଳ

ଚଞ୍ଚଳ ମନଟି ଆକାଶେ ଉଡ଼ଇ 

ପାଣିରେ ବୁଡ଼ଇ କେବେ 

କେବେ ହସେ କେବେ କାନ୍ଦେ 

ପୁଣି କେବେ ଭାଷଇ ତ ଭବାର୍ନବେ l

ଭାବନା ରାଜ୍ୟରେ ବୁଡ଼ିଯାଏ କେବେ 

ସରଗ ରାଇଜେ ଉଡେ 

ମନ ଭ୍ରମର ଟି ଧାଇଁ ଧାଇଁ ଯାଇ 

ସପନ ର ସିଡ଼ି ଚଢେ 

ଜଟିଳ ମନକୁ ସରଳି କରଣ 

କରିବାକୁ ଯେବେ ହେବ 

ଜୀବ ଜନ୍ତୁ ସହ ମାନବ ସମୂହ 

ସେବ ହେ ରାଧାମାଧବ l

କ୍ରୋଧ ଲୋଭ ମୋହ ମାୟା କୁ ତେଜିଲେ 

ମନ ହୋଇବ ସରଳ 

ସଭିଙ୍କୁ ସମାନ ଭଲ ପାଇଥିଲେ 

ମନର ଗତି ଶିଥିଳ 

ଏକଳି କାଳରେ ସରଳ ମନଟି 

ଅସୁବିଧାରେ ପଡ଼ଇ 

ଜଟିଳ ଜାଗାରେ ସରଳ ହୋଇଲେ 

ବିପତ୍ତି ମାଡି ଆସଇ l

ଭାବିଚିନ୍ତି ମନ ସରଳ କରିବ 

ନୋହିଲେ ହୋଇବ ଦଙ୍ଗା 

ଏ ଜନ ସମୁଦ୍ର ମଝିରେ ତୁମର 

ବୁଡ଼ିଯାଇ ପାରେ ଡ଼ଙ୍ଗା l

ସରଳ ମନର ଦୃଢତା ଆଣିଲେ 

ଦାଢ଼୍ୟତା ଭକତି ପଢ଼ 

ସେହି ଅନୁସାରେ ନିଜର ମନକୁ

କରିତ ପରିବା ଧୃଢ଼ l 

ମନକୁ ସରଳ କରିଦେବା ଆମେ 

ଯଥା ଶିଶୁଟିଏ ପରି

 ଆବିଳତା ମନୁ ବଳେ ହଟିଯିବ 

ଦୟା କରିଲେ ଶ୍ରୀହରି l