ମମତାର ମୂଲ

ମମତାର ମୂଲ 

ଜାତୀୟ ସଙ୍ଗୀତ ର 

ତାଳେ ତାଳେ 

ତ୍ରିରଙ୍ଗା କହୁଛି 

ମୁଁ କାଳେ ସ୍ୱାଧୀନ !

ମୋ ସନ୍ତାନର ରକ୍ତରେ 

ହୋଲି ଖେଳ 

ଏବେ ବି ଚାଲିଛି 

କେହି କଣ ଦେଖୁନ !

ନା ତୁମେ ଜାଣି ଶୁଣି 

ସବୁ ଅନ୍ଧ ସାଜି ବୁଲୁଛ 

କେବେ ଭାଇ ଭାଇ ର 

ପୁଣି ପୁତ୍ର ପିତା ର 

ରକ୍ତରେ ଗାଧୋଇ ହେବାଟା 

ଦେଖି ବି ନୀରବ ରହୁଛ ।

ଆତ୍ମବିଶ୍ୱାସ ଆଜି 

ଆତ୍ମହତ୍ୟା ର ପନ୍ଥା 

ବାଛି ନେଇଛି, 

ସୁରକ୍ଷା ଆଳ ରେ 

ଅସୁରକ୍ଷିତ ହେଇ 

ନାରୀ ଟିଏ ଆଜି କାନ୍ଦୁଛି।

କେବେ ମୋ ସନ୍ତାନ ର 

ଅକାଳ ମୃତ୍ୟୁ ରେ 

କୁଢ଼ କୁଢ଼ ଶବ ଗଦା ହେଉଛି, 

ହେଇପାରେ ସଂକ୍ରମଣ 

ଅବା ସୀମା ବିବାଦ 

କୋହ ରେ ଅନ୍ତର ଟା 

ଫାଟି ପଡୁଛି।

ଫୁଲ ର ଆଞ୍ଜୁଳା 

ଆଉ ଲୋଡ଼ା ନାହିଁ ମୋର 

ଶାନ୍ତି ମୁଁ ଟିକେ ଖୋଜୁଛି, 

ସଂଯମୀ ହୁଅ, ପ୍ରେମ ର 

ବନ୍ଧନେ ବାନ୍ଧି ହେଇ ରୁହ 

ମାତୃଭୂମି ମୁଁ, ଏତିକି ମୋ 

ମମତାର ମୂଲ ମାଗୁଛି ।