ମମତାମୟୀ ମାଆ

ହାତ ମୋର ଧରି   ଚାଲି ଶିଖେଇଲୁ

    କହି କେତେ ମିଠା କଥା

ଦେଖି ଦେଲେ ତୋର ସ୍ନେହମୟୀ ରୂପ

    ହୃଦୟରୁ ଲିଭେ ବ୍ଯଥା

କୋଳେଇ କାଖେଇ ସ୍ନେହ ତୋ ପରଷି

     ଏଡିକିରୁ ଏଡେ କଲୁ 

ଅଳି ଅଝଟ ମୋ  କେତେ ସହି ତୁହି

    ମମତା ପରଷି ଦେଲୁ

ତୋ ମମତା ପାଖେ  ଚିର ଋଣି ମୁହିଁ

    ପାରିବିନି କେବେ ସୁଜି 

ଦେଖୁ ଥିବି ସଦା    ସୁଖର ସପନ

    ତୋ କୋଳରେ ଆଖି ବୁଜି

ସବୁ ଦିନ ହେଉ   ମାତୃ ଦିବସ ଯେ

    ସେବୁଥିବି ତୋର ପାଦ

ତୋ ଆଶିଷ ବଳେ   ଛୁଇଁ ପାରିବନି

    ମୋତେ କେବେ ପରମାଦ

ଆଜି ଏଇ ତୋର  ମାତୃ ଦିବସରେ

    ଘେନିବୁ ମୋର ପ୍ରଣାମ

ସାଙ୍ଗ ସାଥି ଭାଇ ବନ୍ଧୁ ଯେତେ ଅଛ

     ଘେନ ମୋ ଅଭିନନ୍ଦନ ।