ମମତା

ଶବ୍ଦ ପାଏ ନାହିଁ ଖୋଜି

      ତୁମ ଭାବନା ରେ ହଜି

ହସ ହସ ମୁହଁ ତଵ

      ଭାରି ମନେପଡେ ମା ଆଜି l

 ଜନନୀ ତ ଅଦ୍ୟ ଗୁରୁ

     ତୁମ ବାଣୀ ସଦା ଉପକାରୀ

ଜୀବନ ବନ୍ଧୁର ପଥରେ ଚଳାଏ

     ପ୍ରାଣେ ସାହାସ ଶକତି ଭରି l

ସାଜିଛ ରକ୍ଷା କବଚ ମୋର

     ମନେ ଭୟ ଗଲେ ସଂଚରି

ମୁଖେ ଦେଖି ବ୍ୟଥା ଜାଣ 

      ସର୍ବ ଜ୍ଞାତା ତୁମେ ଆମରି l

କୋଳେ ତୁମ ସରଗ ସୁଖ

    ପରସ ତୁମ କୁସୁମ ସମ

ସକଳ ଦୁଃଖ ଯାଏ ପାସୋରି

    ସଫଳ ହୁଅଇ ସକଳ କରମ l

ରାତି ରାତି ନିଦ ହଜାଇଛ

   ମୋହରି ମଙ୍ଗଳ କାମନାରେ

ତୁମ ଦାନର ନାହିଁତ ଉପମା

    ମରତେ କେହି ସୁଝି ନପାରେ l

ସର୍ବ ନିୟନ୍ତାଙ୍କ ଅମୃତ ସୃଷ୍ଟିରେ

    ଅମୃତ ଦାୟୀନି ଅଟେ ମା

ଅମୃତ ବରଷି ସ୍ନେହତା ପରସେ

    ବିନୁତାର ଆଉ କେ ସାହା l