ମଲ୍ଲୀ ର ମହକ

ମଲ୍ଲୀଫୁଲ ବାସ ଚହଟି ଆସେ,

                             ତା'ର ମହକରେ ଜଗତ ବାସେ।

ମଲ୍ଲୀଫୁଲ ସନ୍ଧ୍ୟା ସମୟେ ହସେ,

                            ଧୋବ ଫରଫର ଦୂରରୁ ଦିଶେ ।

ଶୋଭା ସୁଷମାରେ ବଗିଚା ହସେ,

                              ମହୁମାଛି ଆସି କୁସୁମେ ବସେ।

ବାସନା ସହ ତା ରୂପ ସୁନ୍ଦର,

                              ମିଠା ମହକରେ କରେ ନିଜର।

ଗଛରେ ଫୁଲଟି ପାଖୁଡା ମେଲି,

                              ହସୁଥାଏ ସଦା ଯାତନା ଭୂଲି ।

ବାସ ଫୁଲ ବୋଲି ସଭିଙ୍କ ପ୍ରିୟ,

                             ସବୁ ଫୁଲ ମଧ୍ୟେ ଅଟଇ ଶ୍ରେୟ।

ପ୍ରେମିକ ପ୍ରିୟାକୁ ଦିଅଇ ଭେଟି,

                         ତାକୁ ନେଇ ପ୍ରେମୀ ବାନ୍ଧନ୍ତି ଚୋଟି।

ନାରୀଙ୍କ ଗଭାରେ ଦିଶେ ସୁନ୍ଦର,

                              ତା ପାଖେ ଫିକା ପଡେ ଅତର।