ମିଠା ସ୍ମୃତି
ମିଠା ସ୍ମୃତି
1 min
297
ମନରୁ ଲିଭିନି ସେଦିନର ସ୍ମୃତି
ବର୍ଷା ଭିଜା ଜହ୍ନ ରାତି,
ଆଜି ବି ମୋ ଜୀବନ କ୍ୟାଲେଣ୍ଡରରେ
ରଖିଛି ତାକୁ ସାଇତି ।
ନୀଳାଚଳ ଧାମେ ସପରିବାର
କରିଥିଲେ କେତେ ମସ୍ତି,
ନୀଳ ଦରିଆର ଉର୍ମିମାଳା ସାଥେ
ଲଢୁଥିଲେ ଆମେ କୁସ୍ତି ।
ବେଳାଭୂମିରେ ରାତିଟା ଉଜାଗର
ତୋଳି ବାଲୁକା ମନ୍ଦିର,
ଯେତେ ଥର ଗଢୁଥିଲି ,ଭାଙ୍ଗୁଥିଲା
ଦୁଷ୍ଟ ସାନ ଭାଇ ମୋର ।
ସଜାଡୁ ଥିଲି ଉଜୁଡା ବାଲିଘର
ହସୁଥିଲେ ପରିବାର,
ବାଲୁକା ଶେଯରୁ ଶାମୁକାକୁ ଖୋଜି
ଫେରିଥିଲୁ ଆମେ ଘର ।