ମିଳନ

ରାତି ଅଧେ

ଆଖିରେ ନେଇ

ଆଖିଏ ନିଦ ସାଥେ....

ଦି'ନିର୍ମଳ ହୃଦୟ

କ୍ଷଣିକ ପାଇଁ ତ୍ୟାଗୀ ଶରୀର

ଚାଲିଛନ୍ତି ମିଳନ ଅଭିଳାଷେ.....

କରୁଛନ୍ତି ଗମନ ଆକାଶ ପଥେ

କି ଅଦ୍ଭୁତ !ଏ ମିଳନ ଦେଖ

ସଜ ପ୍ରେମ ର ଏକ ଅଲିଭା ଲେଖ......

ମଣିତୁଲ୍ୟ ତାରାଗଣ ଜଳୁଛନ୍ତି ହୋଇ ପ୍ରଦୀପ

ଚାନ୍ଦ ବି ଆସି ଲଗାଇ ମୋହର

ଦେଲାଣି ବରଷାଇ ଆଞ୍ଜୁଳାଏ ଆଶିଷ......

ବାଇରୀ ବିହୀନ ଗଗନେ

ପ୍ରତି ପୂର୍ଣ୍ଣିମା ରାତ୍ରେ ହୁଏ ଏ ମିଳନ

ଶୀତଳ ଛାୟାର ମୃଦୁ ଶୀତଳ ମଳୟ ର ମହକେ

ଚତୁର୍ଦିଗେ ଅଜଵ ଏ ପ୍ରେମ ସୁବାସ ଚହଟେ.........

ରାତକରେ ଗାଇ ଯାଆନ୍ତି ଦି' ହୃଦୟ

କେତେ ଯୁଗର ଅସରନ୍ତି ପ୍ରେମ ଗାଥା

ସତେ ଯେମିତି ଗୋଟିଏ କାହ୍ନ। ଆଉ ଗୋଟେ ରାଧା.....

ଏ ଟିକକ ମିଳନ ପାଇଁ

କେତେ ଯୁଗରୁ ଅପେକ୍ଷାରତ କି ସତେ

କେତେ ଜନମ ର ପିପାସା ମେଣ୍ଟିଯାଏ ଏଇ ଏକ ମୁହୂର୍ତ୍ତେ......

ନ ପାହାନ୍ତା କି ଏ ରାତି

ରହି ଯାଆନ୍ତା କି ପ୍ରେମ ର ଏ ପୂର୍ଣ୍ଣମୀ

ଚିରନ୍ତନ ...ଏ ପ୍ରେମ କୁ ବଜାୟ ରଖି.......

ସ୍ନିଗ୍ଧା ନାୟକ, କୋଟା, ରାଜସ୍ଥାନ