ମିଳନ ଓ ବିଚ୍ଛେଦ

ସମୟ ସ୍ରୋତରେ ମିଳନ ବିଚ୍ଛେଦ

      ଘଟିଥାଏ ପଥେ ପଥେ l

ମିଳନରେ ଲଭେ ଅପାର ଆନନ୍ଦ

        ବିତଇ ଦିନ ସାଥେ l

ହସ ଲୁହ ସବୁ ନିଅଇ ସାଉଁଟି

       ସେଇ ପ୍ରୀତି ସମ୍ପର୍କରେ l

ବେଳୁ ବେଳ ବନ୍ଧନ ହୁଏ ସୁଦୃଢ

     ପ୍ରାଣରେ ସନ୍ତୋଷ ଭରେ l

ବିଚ୍ଛେଦ ବେଦନା କେଡେ ଯେ ଗହନ

     ଜାଣିଥାଏ ଦଗ୍ଧ ପ୍ରାଣ l

ପ୍ରତି ମୁହୂର୍ତ୍ତରେ ଅକୁହା ଯନ୍ତ୍ରଣା

    ନୟନେ ଲୋତକ ପୂର୍ଣ୍ଣ l

ନିରତେ ଖୋଜେ ସେ ଅଭୁଲା ଅତୀତ

      ହୃଦୟ ହୁଏ ଆନ୍ଦୋଳିତ l

ଅଫେରା ବାଟୋଇ ଛାଡି ଚାଲି ଯାଏ

      ଚାହିଁ ରହିଥାଏ ପଥ l

ପଦ ଚିହ୍ନ ତାର ଅମଳିନ ସ୍ମୃତି

     ସାଇତା ମନ ମନ୍ଦିରେ l

ସ୍ମୃତିକୁ ପାଥେୟ କରି ଚାଲିବାକୁ ହେବ

      ଜୀବନର ଅଙ୍କାବଙ୍କା ବାଟରେ l

ବିଚ୍ଛେଦ କାଳରେ ମିଳନର ଆଶା

       ଆକାଶରେ ଚାନ୍ଦ ପରି l

ହାତ ପାହାନ୍ତରେ ନ ପାଇବୁ ତାକୁ  

     ବୃଥା ପ୍ରୟାସ ତୋହରି l