ମିଳିଗଲା ପ୍ରେମ ମୋର

ଫେରି ଆସ ପ୍ରିୟା ହାତ ଗଣ୍ଠି ଖୋଲି

ଚାଲିଯିବା ବହୁଦୂର

ମନେପଡ଼ୁନି କି ତୁମ ପ୍ରତିଶ୍ରୁତି

ସ୍ବପ୍ନ ହୁଏ ଛାରଖାର ।

ହାରିବାନି ବୋଲି ପଣ କରିଥିଲେ

ପାଖେ ପାଖେ ଥିବା ରହି

ଦୁଃଖ ଆଉ ସୁଖ ସହିଯିବା ପାଇଁ

କେତେ ଯେ ନ ଥିଲ କହି ।

ମନ୍ଦିର ବେଢାରେ ଅନେକ ସଞ୍ଜରେ

ସାଇଁଙ୍କୁ ଜୁହାର କରି

କେବେ ତୁମେ ଯାଅ ଅଭିମାନେ ରୁଷି

ମିଛ ଛଳନା ଯେ କରି ।

କହିଥିଲ ତୁମେ ବଞ୍ଚିପାରିବନି

ଛାଡିବନି ମୋତେ ତିଳେ

ଆଜି କାହିଁ ତୁମେ ନିରବେ ବସିଛ

ବିରହରେ ମୁହିଁ ଜଳେ ।

ଯଦି ତୁମେ ପ୍ରିୟା ଉଠି ଆସିବନି

ଧରିବନି ମୋର ହାତ

ହାରିଦେବି ମୋର ଏଇ ଜୀବନଟି

ପ୍ରେମ ମୋର ହେବ ସତ ।

ବେଦୀର ନିଆଁରେ ମୋ ଶରୀର ହାଡ

ଯାଉଥିବ ଯେବେ ଜଳି

ତୁମେ ଗୋ ପ୍ରିୟା ଓଢଣୀର ତଳେ

ଲୁହରେ ଦେବ ଅଞ୍ଜଳି ।

ତୁମ ଲୁହ ଧାର ଭସାଇ ଯେ ନେବ

ଅସ୍ଥି ଭସ୍ମ ମୋ ଦେହର

ଭାବିବି ତୁମେ ଗୋ ଅସିଗଲ ସାଥି

ମିଳିଗଲା ପ୍ରେମ ମୋର ।