ମହାଶିବ ରାତ୍ରୀ

ଶିବ ଚର୍ତୁଦ୍ଦଶୀ ହେଲା ଆଜି ସଖି

ଆସିଛି ଦେଖେ ଜାଗର

ଆଶୁତୋଷଙ୍କର ଦର୍ଶନ ନିମନ୍ତେ

ମନ ହେଲାଣି ମୋ ଅଧିର ।

ପାଳିବା ଜାଗର   ରହି ଉଜାଗର

ଜପି ଶିବ ପଞ୍ଚାକ୍ଷର

କରିବା ପ୍ରଭୁଙ୍କ   ଅଭିଷେକ ପୁଣି

ଢ଼ାଳିବା ଯେ କଞ୍ଚାକ୍ଷୀର ।

କେତକି ଗୟଶ   ଦୁଧୁରା ଟଗର

ଦେବା ପୁଣି ଚମ୍ପା ହାର

ଭାବ ଭକତିରେ  ପୂଜିଲେ ପ୍ରଭୁଙ୍କୁ

ଦେବେ ମନ ଲାଖି ବର ।

ଦେଖିବା ଯେ ଦୁହେଁ ମହାଦୀପ ସଖି

ରାତି ରହି ଉଜାଗର

ଜପୁଥିବା ତୁଣ୍ଡେ   ଶିବ ପଞ୍ଚାକ୍ଷର

ମହା ଯୋଗି ଯୋଗେଶ୍ବର ।

ସଭିଙ୍କର ମନବାଞ୍ଛା   ହେଉ ପୂର୍ଣ୍ଣ

କରେ ପ୍ରଭୁ ନିବେଦନ

ମହାଶିବ ରାତ୍ରୀ ଉପଲକ୍ଷେ ସର୍ବେ

ଘେନ ମୋ ଅଭିନନ୍ଦନ ।