ଲାଇବ୍ରେରୀ
ପ୍ରୋଫାଇଲ୍
ମହାବିଷୁବସଂକ୍ରାନ୍ତି
ମହାବିଷୁବସଂକ୍ରାନ୍ତି
1 min
235
ଓଡ଼ିଆ ଜାତିର ନବବର୍ଷ ଆଜି
ଆସ ହେ ଭଉଣୀ ଭାଇ
ପାଳିବା ସଭିଏଁ ପଣା ସଙ୍କରାନ୍ତି
ଭେଦ ଭାବ ଭୁଲିଯାଇ ll
ମାଆ ରାମଚଣ୍ଡୀଙ୍କ କରୁଣା ଅପାର
ରଖିବେ ସୁଦୟା ସର୍ବେ
ଭକ୍ତି ଭାବେ ଭରା ସେହି ଝାମୁ ଯାତ୍ରା
ପାରମ୍ପରିକ ଏହି ପର୍ବେ ।।
ଗ୍ରୀଷ୍ମର ପ୍ରକୋପ ଉତ୍ତପ୍ତ ହୁଅଇ
ଗରିଷ୍ଟ ଖାଦ୍ୟ ହଜମ
ଜଗାକୁ ସୁମରି ନୂଆ ପାଞ୍ଜି ଲେଖା
ହୋଇବ ଆଜି ପ୍ରଥମ ।।
ପଞ୍ଚଭୂତ ଏବେ ହୋଇବେ ଅତିଷ୍ଟ
ଅସମ୍ଭାଳ ହେବ ଦିନ
ଅତିଷ୍ଟ ଜ୍ୱାଳାରୁ ମୁକତି ଦେବାକୁ
ଜନମିବେ ହନୁମାନ ।।
ଚଇତି ପରବ ଏହି ଦିନେ ମୁଖ୍ୟ
ଘୋଡାନାଚ ମନୋହର
ଦଣ୍ଡନାଚ ପୁଣି ଓଡ଼ିଶା ପ୍ରସିଦ୍ଧ
ଦେଖିଲେ ଲାଗେ ସୁନ୍ଦର ।।
କରୁଣାମୟୀ ସେ ଅପାର କରୁଣା
ଯାଚିଦେବେ କେତେ ବର
ସବୁଠୁ ସୁନ୍ଦର ସଭିଙ୍କ ନିଜର
ଓଡ଼ିଆ ପରବ ମୋର ।।
