ମହାଭାରତ କାଲି ଆଉ ଆଜି

ମହାଭାରତର କଥା,

ଆଜି ବି ଜୀବିତ ଏ ଧରା ବକ୍ଷେ ,

ଆକାଶରେ, ବଣ ପାହାଡ଼ରେ,ଆଉ ଝରଣାରେ,

ଏ ମାଟିର କୋଣେ, ଅନୁକୋଣେ ।

ମହାଭାରତ କଥା କାଲି ଯାହା ଥିଲା,

ଆଜି ବି ତା ଅଛି, ହୁଏତ କାଲି ବି ରହିବ ।

ମହାଭାରତର ରାଜନୀତି,

ଆଉ ତା ଭିତରେ ଥିବା କୂଟନୀତି,

ଆଜି ବି ସବୁଠି ବିଦ୍ୟମାନ।

ବଧୂ ହତ୍ୟା, ଭ୍ରୂଣ ହତ୍ୟା,ଆଉ ନାରୀର ଚିର ହରଣ ରେ,

ଘଟୁଛି ରାଜନୀତିର ସଫଳ ରୂପାୟନ ।

ଋଣଗ୍ରସ୍ତ ଚାଷୀ,ଖଟିଖିଆ ଦାଦନ ଶ୍ରମିକ,

ସ୍ତ୍ରୀ ତ୍ବର ଅହଙ୍କାର କୁ ନେଇ,

ନିତି ଚାଲିଛି ପଶାପାଲି ର ଖେଳ,

ମହାଭାରତର କୂଟନୀତି ର ଖେଳ,

ଯାହାର ନାହିଁ ଅନ୍ତ।