ମୈାସୁମୀ ରାଣୀ

ନୀଳ ନୀଳିମାର    ଭସା ବାଦଲରେ

     ସାଜିଛ ବରଷାରାଣୀ,

ମେଘ ମହ୍ଲାରର     ପାଟଶାଢୀ ପିନ୍ଧି

     ହସୁଛ ତୁମେ ମୈାସୁମୀ ॥

ନିଦାଘ ମନ୍ଦିରେ     ମୁଖଶାଳା ସାଜି

     ତପତ ଧରଣୀ ପରେ,

ସ୍ୱାଗତ ସଂଗୀତ      ଗାଇ ଉଠୁଅଛ

     ରିମ୍ଝିମ୍ ବରଷା ସୁରେ ॥

ଧୂସର ଧରଣୀ       ସାଜିବ ତରୁଣୀ

     ତୁମ ବରଷା ଛିଟାରେ,

ପଲ୍ଲବିତ ହେବ       ତରୁଲତା ଦୃମ

     ତୁମରି ଆଗମନରେ ॥

ପହିଲି ଆଷାଢ     ଘେନି ବର୍ଷା ମେଢ

      ପାଦ ଥାପିବ ମହୀରେ,

ସବୁଜ ଉଦ୍ଭିଦ       ଲଭିବେ ବାରିଦ

      ହାଟ ବସିବ ଧରାରେ ॥

ଜୀବନ୍ତ ଜାଗ୍ରତ      ଲଭିବେ ଅମୃତ

      ନବ ଜାଗରଣ ନେଇ,

ପୁନେଇ ପରବ       ଧରି ଅସ୍ତରାଗ

      ପ୍ରତିଗୃହେ ଚଳିବଇଁ ॥

ପଶୁପକ୍ଷୀ ଜୀବ     ନର୍ତ୍ତନେ ଧରଣୀ

      ସାଜି ନବ ବୃନ୍ଦାବନ,

ଶୋଭାର ଭୂବନେ    ବିମଣ୍ତିତ ଧାମେ

     ସାଜିବ ଦିବ୍ୟ ଭୂବନ ॥

ଶୁଷ୍କ ନଦୀଶଯ୍ୟା    ହେବ ଜଳଶଯ୍ୟା

     ଜଳାଧାରେ ଜଳଧାର,

ଜଳାର୍ଣ୍ଣବ ହୋଇ     ଛାତିକୁ ଫୁଲାଇ

    ରଚିବେ ପ୍ରଳୟ ଡୋର ॥

ତୁମରି ବିହୁନେ      ଧରା ହେବ ନଷ୍ଟ

     ଧରଣୀ ହୋଇବ ଶେଷ,

ତୁମରି ଗହଳେ     ପ୍ରଳୟ ମଂଜୁଳେ

     ଜୀବେ ଯିବେ ସର୍ବନାସ ॥