ମାୟାରୁ ପ୍ରାପ୍ତି ଯାଏଁ
ମାୟାରୁ ପ୍ରାପ୍ତି ଯାଏଁ
1 min
97
ତୁମେ ଆସ ନିଶା ଅନ୍ଧକାରେ
ନିଦାଘ ବରଷାରେ ତିନ୍ତି ତିନ୍ତୀ
ଅଚିହ୍ନା ବାଟୋଇ ଟିଏ ପରି
ସର୍ବାଙ୍ଗକୁ ଘେରି ବସ ମୋର
ମୁଁହରେ ମଦିରାର ଝଲକ
ଆଖିରେ ପ୍ରେମର ନିଶା
ଆଦିମତାରେ ମାତିଯାଅ
ଆଉ ଏକ ନିଶାରେ
ଅଲେଖା ଯନ୍ତ୍ରଣା ଭରି
ମୋ ସାରା ଦେହରେ...
କ୍ଷତାକ୍ତ ହୃଦୟକୁ ମୋର
ସାଉଁଟି ନିଅ ଆଉଥରେ
ଛାଡିଗଲେ ମଦିରାର ନିଶା
ସକାଳର କୋହଲା ପାଗରେ
କେବେ କେବେ ପ୍ରେମ ସୋହାଗ ରେ..
ବାସୁଥାଏ ମୋ ଉନ୍ମୁକ୍ତ ଶରୀର
କାହିଁ କେତେ କାଳୁ
ତୁମ ଦେହ ଧିମା ଧିମା ଗନ୍ଧରେ
ବଞ୍ଚିଥାଏ ଏମିତି
ସତିଟିଏ ହୋଇ
ମାୟାରୁ ପ୍ରାପ୍ତି ଯାଏଁ ।