ମାୟା

 ଏଇଠି ମରତ ଏଇଠି ସ୍ୱର୍ଗ

ସବୁ ପାପ,ପୁଣ୍ୟ ହୁଅଇ ଭୋଗ୍ୟ l

ଦିନେ ଥିଲି ମତ୍ତ ବୟସ ଦମ୍ଭେ

ଧର୍ମ,ଅଧର୍ମ ମୋ ଲିଖିତ ଖମ୍ଭେ l

କୃତ କର୍ମ ଆଜି ମୋତେ ଖାଉଛି

ନିଜ ଛାଇ ଦେଖି ଡର ଲାଗୁଛି l

 ତୋ ମାୟା ବନ୍ଧନେ ଥିଲି ମୁଁ ବନ୍ଦୀ

ଅକର୍ମ କରିଲି ନଜାଣି ଫନ୍ଦି l

ବହୁକଷ୍ଟେ ଆଜି ମିଳିଛି ତ୍ରାହି

ଆସୁଛୁ ମୋ ପଛେ ଗୋଡେଇ କାହିଁ l

ଆଉ ନ ପଡିବି ତୋ ମାୟା ଜାଲେ

ଶୁଣିବିନି ଯେତେ ବାହାନା କଲେ l

ରୁହ ମାୟାବିନୀ ନ ଆସ ପାଶେ

ଆଉ ତୁ ନ ବାନ୍ଧ କୁହୁକ ଫାସେ l

 ସୁଖଶାନ୍ତି ସବୁ ଗଲାଣି ହଜି

ସ୍ବପ୍ନ ମହଲ ମୋ ଯାଉଛି ଭାଜି l

ରାଜ ଉଆସକୁ ମଟର ଗାଡି

ଦିନ ଥିଲା ସବୁ ଥିଲି ଜାବୁଡି l

ସାଳୁଆ ପଲଙ୍କ ସୁବର୍ଣ୍ଣ ଗାଁଦୀ

ସବୁ କିଛି ତୁଛ ଲାଗଇ ଆଜି l

 କୁଟୀରର ଶାନ୍ତି ନାହିଁ ମହଲେ

ଜହର ଲାଗଇ ସୁଧା ଚାଖିଲେ l

 

ସବୁ ବାଇଆଙ୍କୁ ମୋ ନିବେଦନ

ବାଇମନ କର ପ୍ରଭୁ ଚିନ୍ତନ l

ଅଜ୍ଞାନ୍ତେ କୁକର୍ମ କରିବ ଯେତେ

ଲୋକହସା ସେତେ ହେବ ଜଗତେ l

ଈଶ୍ୱର ପୟରେ ଲଗାଅ ଚିତ

ବାପା, ଅଜାଙ୍କର ରଖ ମହତ l

କରିଯାଅ କିଛି ଉତ୍ତମ କାମ

ଅମର ରହିବ ଏ ଧରା ଧାମ l

ମଦମତ୍ତେ ତୁମେ ନହୋଇ ବାମ 

ଛିର୍ଣ୍ଣ କର ସବୁ ମାୟା ବନ୍ଧନ ।