ମାଟି ଘର

       ମାଟି ମାଆ ମୋର   ମାଟିର ଘର

       ଏଇ ଘରଟି ମୋ କେତେ ଆପଣାର |

      ମହକରେ ତା’ର ମନ ମୋ ମହକେ

           ସରଗ ଲାଗେ ତା’ର ଭିତର ||୧||

     ମାଟି ଘରଟିକୁ  ଆପଣାର କରି

         ଭୁଲିଯାଏ ମୁହିଁ ସବୁ ଦୁଃଖ ତ |

     ମାଟିର ମହକ   ଯିଏ ସେ ଜାଣିଚି

        ଭୁଲି କେ ପାରିବ ତା’ ଆପଣାର ||୨||

     ଝୋଟି ,ଚିତା ଆଉ  ରଙ୍ଗ ମୁରୁଜରେ |

     ଝଟକୁ ଥାଏ ସେ   ପୂଜାପର୍ବରେ ||୩||

     ସତେକି ହସୁଚି   ମୋ ମାଟିଘର |

     ଇର୍ଷାରେ ଜଳୁଚି ସିମେଣ୍ଟ ପଥରଘର ||୪||

     ମାଟିଘର ଛାଡି କୋଠାଘରେ ରହି

          ଭାବିଲି ରହିବି  ଖୁସିରେ |

     ମା’ ସ୍ନେହ ଭାଇ ଭଉଣୀ ପୀରତି

           ଖୋଜି ବୁଲୁଚି ମୁଁ ସହରେ ||୫||