ମାଟି ଆମର ମାଁ

ଜୀବସୃଷ୍ଟି ଠାରୁ ପ୍ରାଣୀ ଜଗତକୁ

ମାଟି ମାଆ ଅବଦାନ

ଗୋଟି ଗୋଟି କରି ବଖାଣିଲେ ସୁଦ୍ଧା

କରି ନ ହୁଏ କଲନା । ୧ ।

ମୃତ୍ତିକା ଖୋଦିଣ ଚଷା କରେ ହଳ

ଖାଦ୍ଯଶସ୍ଯ ଉତ୍ପାଦନ

କୂପ ନଳକୁପ ପୋଖରୀ କେନାଲ

ପ୍ରାଣି କାର୍ଯ୍ଯେ ଲାଗେ ଜାଣ । ୨ ।

ମୃତ୍ତିକାରେ ପୋତି ଛୋଟ ଚାରାଟିଏ

କାଳକ୍ରମେ ବଡ ହୁଏ

ଜନ ହିତେ ଲାଗେ ଫୁଳ,ଫଳ,ଛାଇ

ଆମକୁ ଅମ୍ଳଜାନ ଦିଏ। । ୩ ।

ମାଟି ମାଆ କୋଳେ ଖଣି ଖୁଦାନଟି

ଦିଅଇ ଖଣିଜ ଦ୍ରବ୍ଯ

ପେଟ୍ରୋଲିୟମଠାରୁ କିଅବା କୋଇଲା

ସବୁଲାଗେ ଆମ କାର୍ଯ୍ଯ । ୪ ।

ମାଟି ଗାତ ଖୋଳି ସୁଦୀର୍ଘ ପ୍ରାଚୀର

ବଡ ବଡ ଅଟ୍ଟାଳିକା

କଳକାରଖାନା କିବା ଉଚ୍ଚ ସ୍ତମ୍ଭ

ସୁଦୀର୍ଘ ପ୍ରଶସ୍ତ ଅଟ୍ଟାଳିକା। ୫ ।

ମାଟି ମାଆ କୋଳେ ଲମ୍ବ ରେଳ ରାସ୍ତା

ଘନ ଜଳରାଶି ସ୍ଥାନ

ମହୋଦଧି କିବା ଚୀରସ୍ରୋତା ନଦୀ

ମାଟି ମାଆ ଅବଦାନ । ୬ ।

ଜନମୀ ମାଟିରେ ଅନ୍ତୁଡି ଶାଳରେ

ମାଟି ପରେ ହୁଏ ଛିଡା

ମାଟି ଘଟ ପିଣ୍ଡ ପଞ୍ଚଭୂତ ଆତ୍ମା

ସବୁ ଏ ମାଟିରେ ଗଢା । ୭ ।

ମୃତ୍ଯୁ ବେଳେ ପିଣ୍ଡ ମାଟି ଲୀନ ହୁଏ

ଶ୍ମଶାନ ନଈ କୂଳରେ

ସଚରାଚର ଏ ବିଶ୍ଵ ବ୍ରହ୍ମାଣ୍ଡରେ

ମାଟି ମାଆପରି କିଏ । ୮ ।

କୁମ୍ଭାର ବିଚରା ମାଟି ପାଗକରି

କରଇ ହାଣ୍ଡି,କଣ୍ଢେଇ

ମୃଣ୍ମୟୀ ମୂର୍ତ୍ତୀ ବି ପାଳ,ମାଟି ଗଢା

ଆବିର୍ଭୂତ ଦୁର୍ଗାଦେବୀ । ୯ ।

ଗଛ ଲଗାଇବା ମାଟି ସଂରକ୍ଷଣେ

ପରିବେଶ ହେବ ସ୍ଵଚ୍ଛ

ସବୁଜ ବନାନୀ ବଞ୍ଚିଲେ ବଞ୍ଚିବା

କଥା ଯୁଗେ ଯୁଗେ ସତ୍ଯ। । ୧୦ ।