ମାତୃ ଦିବସ

ମାଆ ନାମଟି ହିଁ ଅମୃତ।

ଯିଏ ସର୍ବଦା ବହିଥାଏ

ଛଳଛଳ ଆଉ କଳକଳ।

ସ୍ବର୍ଗର ମନ୍ଦାକିନୀ ମର୍ତ୍ତ୍ୟର ଗଙ୍ଗା 

ଆଉ ପାତାଳର ଭୋଗବତୀ ପରି।

ଯେତେ ମାପିଲେ ବି

ତୋ ଗଭୀରତା ଅନନ୍ତ।

ତୁମେ ତ ପବିତ୍ର ଆଉ ଶୁଦ୍ଧ

ପ୍ରତିଟି ନିଃଶ୍ୱାସରେ 

ଆଉ ଆମ ଆଇନାରେ

ନାଚିବୁଲେ ଘୂରିବୁଲ ଦେବାକୁ ବ୍ୟାକୁଳ।

ତୁମେ କଣ ନ ଦେଇଛି କୁହ ତ?

ଦଶମାସ ଦଶଦିନ ଧାରଣ

ଆନ୍ତଫାଡି଼ ନିଜ ଜୀବନକୁ 

ପାଣି ଛଡେ଼ଇଛ ତମାମ ଯୌବନ।

ତୁମକୁ ଆଜିର ଏ ଦିନରେ 

କୋଟିଏ ପ୍ରଣାମ ଆଉ ଧନ୍ୟବାଦ

ଯେବେ ଶୟନେ ଓ ସ୍ୱପ୍ନରେ 

ଲାଖି ଯାଇଥିଲ କର୍ମ ଓ ଧର୍ମରେ

ନିଜ ଲୁହ ନିଜେ ହିଁ ପିଇକି।

ମୋତେ କ୍ଷମା କରିଦେବ 

କିଛି ବି ସୁଝାଇ ପିରିଲିନି ଋଣ।

ମରିଯିବି ପଛେ ଅଭୁଲା ରହିଲା

ତୁମ ସ୍ୱପ୍ନକୁ ପ୍ରେମକୁ ଓ ଭଲ ପାଇବାକୁ

ଆଶୀର୍ବାଦ ଅବଶ୍ୟ ଦେବ 

ଆଜିର ଏ ମାତୃ ଦିବସରେ।