ମାଣବସା

ଲକ୍ଷ୍ମୀନାରାୟଣୀ ବିଷ୍ଣୁ ପାଟରାଣୀ 

    ଜଗତ ଜନନୀ ତୁହି 

ମଙ୍ଗଳଦାୟିନୀ ସାଗରଦୁଲଣୀ 

    ହରିପ୍ରିୟା ନାମ ବହି 

ମାଗୋ କମଳିନୀ ଦୁର୍ଗତନାଶିନୀ 

    ପ୍ରେମମୟୀ ଠାକୁରାଣୀ 

କମଳା ଚଞ୍ଚଳା ସ୍ନେହେ ପଦ୍ମାଳୟା 

    ତୁହି ମାଗୋ ବିଘ୍ନସେନୀ 

ତୁହି ଦୟାବତୀ ପରମା ପ୍ରକୃତି 

    ପାଳୁ ନୀତି ସର୍ବ ଯିବ 

ସ୍ଥାବର ଜଙ୍ଗମ କୀଟ ତରୁଲତା 

     ତୋଳାଗି ସବୁ ସମ୍ଭବ  

ମାସ ମଧ୍ୟେ ସାରା ଅଟେ ମାର୍ଗଶୀର 

     ଗୁରୁବାର ଯେ ପଡଇ 

ସେସବୁ ବାରକୁ ପୁରବାସୀ ଗଣ 

     ନିଷ୍ଠାର ସହ ପାଳଇ 

ସେଦିନ ପ୍ରlତରୁ ଶେଜକୁ ଛାଡ଼ିଣ  

     ସ୍ନାନ ଶୌଚ ହିଁ କରିବ 

ଗୋମୟ ଜଳରେ ଘର ଦୁଆରକୁ 

     ଅତି ଯତ୍ନରେ ଲିପିବ 

ଘରର ଦୁଆରେ ପଦ୍ମ ଝୋଟି କରି 

    କୁମ୍ଭ ଆମ୍ବ ଡାଳ ଥୋଇ 

ଧୂପ ଦୀପ ଦେଇ ମାତା କମଳିନୀ 

    ସୁମରଣା କର ତୁହି 

ପ୍ରାତଃ ସ୍ନାନ ସାରି ଖଟୁଲି ସଜାଡି 

    ତହିଁରେ ମାଣକୁ ଥୋଇ 

ଶୁକ୍ଳ ଧାନ ଭରି ମାଣରେ ଯେ ପୁରି 

    ଚିତ୍ର ବିଚିତ୍ର କରଇ 

ମାଣର ଉପରେ ତିନି ଗୋଟି ଗୁଆ 

    ଥୋଇବ ନେଇଣ କରି 

ଶୁକଳ ଧାନର ସୀସା ମେଣ୍ଟ କରି 

    ରଖିବ ମାଣ ଉପରି 

ଲକ୍ଷ୍ମୀଙ୍କର ପ୍ରିୟ ସେହି ବାର ମାନ 

    ଆଦ୍ୟବାରଟି ସେତ 

ଶୁକ୍ଳ ଦଶମୀ ଗୁରୁବାର ଦିନ

   ପଡଇ ସୁଦଶା ବ୍ରତ 

ଚୁଳ ଆଖୁ ମୂଳା ପୁଷ୍ପ ମଣ୍ଡନ ଆଦି 

   କଦଳୀରେ ସଜାଇବ 

ଗନ୍ଧ ଧୂପ ଦୀପ ବସନ ରପି 

    କମଳାଙ୍କୁ ସମର୍ପିବ 

ଅରୁଆ ଚାଉଳ ଭର୍ତ୍ତି କରି ପୁଣି 

    ଦଶଗୋଟି ମଣ୍ଡା କରି 

କଦଳୀ ନଡ଼ିଆ ଛେନା ଦଶ ପୁର 

  ତl ଭିତରେ ଦେବ ଭରି 

ଲକ୍ଷ୍ମୀଙ୍କ ପ୍ରସାଦ ପରକୁ ନଦେବ 

   ରହିବ ପ୍ରସାଦ ଖାଇ 

ଶୁଦ୍ଧ କରି ଚିତ୍ତ ରଖିବ ପବିତ୍ର 

   ଅପୁତ୍ରିକେ ପୁତ୍ର ପାଇ 

ଲକ୍ଷ୍ମୀନାରାୟଣ ମନରେ ସ୍ମରଣ

     ମାନି ନିୟମ ଚଳିବ 

ଧନ ଗୋପ ଲକ୍ଷ୍ମୀ ଜୀବନେ ପରଖି 

     ବୈକୁଣ୍ଠ ତୃପ୍ତି ପାଇବ