ମାନବିକତା ବଞ୍ଚିରହୁ

ମାଛ କାଟି କାଟି କୁକୁଡ଼ା କାଟୁଛି 

ଛେଳି କରୁଅଛି ରଡ଼ି 

ମଣିଷ ମାରିଲେ ହୁଏ ଅପରାଧ 

ପୋଲିସ ନିଅନ୍ତି ଭିଡି l 

ଗଛ କାଟି କାଟି ରାସ୍ତାଘାଟ ସଫା 

ଜଙ୍ଗଲ ହେଲାଣି ସଫା 

ଜୀବଜନ୍ତୁ ତ୍ରାହିତ୍ରାହି ଡାକିଲେଣି 

ମାନବେ କରହେ ରକ୍ଷା l 

ମାନବ ଜାଣଇଁ ଅମ୍ଳଜାନ ନାହିଁ 

ଗଛ କାଟିବାଟା ମନା 

ଅମ୍ଳଜାନ କିନ୍ତୁ ବଜାରେ ମିଳୁଛି 

କିଣି ଆଣ ଯାଇ ନନା l 

ଭିକାରୀର ଭିକ ଉଠି ତ ଗଲାଣି 

ସରକାର ଦେଲେ ଭତ୍ତା 

ମାଗଣା ଚାଉଳ ତାସ ପଶା ଖେଳ 

କାହିଁ ସେ ମାନବିକତା l 

ପଡିଗଲେ ଜଣେ ଉଠାଇବା ପାଇଁ 

ମନେ ଭୟ ହୁଏ ଜାତ 

ମୁଁ ଦେଖିଛି ବୋଲି କେହିତ ନଦେଖୁ 

ଥାନା କେ ଯିବ କହତ l 

ଜଳ ଗାଉଅଛି ପ୍ରାଣୀ ଓ ଉଦ୍ଭିଦ 

ସଭିଙ୍କ ଜୀବନ ଗାଥା 

ଜଙ୍ଗଲ ର ବିନା ବର୍ଷା ଶୂନ୍ୟ ପୃଥ୍ୱୀ 

ମାନବ ସମାଜ କଥା l 

ଅନ୍ୟ କୁ ସାହାଯ୍ୟ କରିବା ଆଗରୁ 

ନିଜେ ପଡିଯାଏ ବଳି 

ନିଜ ରକ୍ଷଣ ଟା ହୁଏ ଅସମ୍ଭବ 

ପ୍ରଭାବ ଅଟେ ଏ କଳି l 

ମାନବ ସମାଜ ହୁଅ ହେ ଏକତ୍ର 

ବେଳ ଥାଉ ବାନ୍ଧ ବନ୍ଧ 

ମାନବିକତାଟି ବଞ୍ଚାଇ ରଖହେ 

ନପଡ଼ୁ କେବେ ପ୍ରମାଦ l 

ଜୀବନ କାଳରେ କୋଡିଏ ଟି ବୃକ୍ଷ 

ଯଦି ରୋପଣ କରିବ 

ଏ ପୃଥ୍ୱୀ ରହିବ ନୋହିଲେ ଡୁବିବ 

ସକଳେ ତ ନାଶ ଯିବ l