ମାନବ ହିଁ ପଥ ପ୍ରଦର୍ଶକ

ମାନବ ହିଁ ପଥପ୍ରଦର୍ଶକ 
*************
ସମଗ୍ର ବିଶ୍ୱ ବ୍ରହ୍ମାଣ୍ଡ ଲେଖି 
ଚାଲିଛି ଆଜି ଚିରନ୍ତନ 
ଇତିହାସ, ବୟାନ କରିବାକୁ 
ତାର ଉତ୍ପତ୍ତି ଓ ବିବର୍ତ୍ତନଶୀଳ 
କାର୍ଯ୍ୟକାରିତାର ଘଟଣାବଳୀ 
ଅଦ୍ୟାବଧି ତାହାର ନିପାତନସିଦ୍ଧ 
ଲେଖନୀମୁନରେ l


ବିଶ୍ୱବ୍ରହ୍ମାଣ୍ଡ ଆଜି କରୁଛି 
ଆହ୍ୱାନ ମାନବ ଜାତିର 
ପ୍ରତ୍ୟେକ ମାନବକୁ ଜାଗରିତ 
କରିବାର୍ଥେ ତାର ଲୁକ୍କାୟିତ 
ଗୁପ୍ତ ଜ୍ଞାନ ହୃଦୟ ଅଭ୍ୟନ୍ତରେ 
ପ୍ରତିଷ୍ଠିତ କ୍ରମବିବର୍ତ୍ତନ ଲବ୍ଧ 
ଜ୍ଞାନ ଗାରିମାକୁ ଗଢ଼ିବାକୁ 
ନିଜର ସଫଳତା ଓ ସୁଖ 
ସମୃଦ୍ଧି ପୂର୍ଣ୍ଣ ମାନବ-ସାମ୍ରାଜ୍ୟ 
ମାନବୀୟ ଗୁଣାବଳୀ ସହିତ 
ଶସ୍ୟଶ୍ୟାମଳା ଧରାପୃଷ୍ଠରେ l

ଅତି ଆବଶ୍ୟକୀୟ ମାନବୀୟ 
ସ୍ଵଭାଵ ଚାହେଁ ଆଜି ଯଥାର୍ଥ 
ପାଳନପୋଷଣ ଶିକ୍ଷା 
ଧରାବୁକେ ସିଦ୍ଧକରଣେ ତାର
ଏକ ନ୍ୟାୟଯୁକ୍ତ ଓ 
ସତ୍ୟାଧାରିତ ମାନବୀୟ 
ସୌଧ ଯାହାକି ଗଠିତ ସତ୍ୟ 
ଲବ୍ଧ ନୈସର୍ଗିକ ଶାଶ୍ୱତ 
ମାନବସତ୍ତା ସମ୍ମିଳିତ 
ଅତିମାନସ ଚେତନାର ଭିତ୍ତି 
ପ୍ରସ୍ଥର ଉପରେ l 

ହୋଇ ମାନସିକ ସ୍ତରେ 
ସୁକେନ୍ଦ୍ରିକ ସୁଦୃଢ଼ କରି ନିଜର 
ଶୃଙ୍ଖଳିତ କଳେବରକୁ ଆଉ 
ସଂଘବଦ୍ଧ ସୂତ୍ରେ ବାନ୍ଧି ସ୍ବର୍ଗୀୟ 
ଗୁଣାବଳୀକୁ ସ୍ଵାତ୍ମଚୈତନ୍ୟେ 
କରିପାରନ୍ତା ତାର ସ୍ଵନିୟତିର 
ମାଲିକ ନୀଳ ଆକାଶ ତଳେ 
ବିଭୁ କୃପାରେ l

କ୍ରମବିବର୍ତ୍ତନବାଦର ଅଜ୍ଞାପତ୍ର 
ଆଜି କରୁଛି ଆହ୍ୱାନ ପ୍ରତ୍ୟେକ 
ବୈଶ୍ଵିକ ମାନବକୁ ଜାଗିଉଠିବାକୁ 
ଓ ନିର୍ମାଣ କରିବାକୁ ତା ନିଜର 
ଅଧିକାର ପୂର୍ଣ୍ଣ ଭାଗ୍ୟବିଧାତାଙ୍କୁ 
ଉଡ୍ଡୀୟମାନ ହୋଇ ସମସ୍ତ 
ସତ୍ତାସମ୍ବନ୍ଧୀୟ ବିବାଦ 
ସମୂହର ସୂର୍ଦ୍ଧ୍ଵକୁ ଚିରକାଳ ପାଇଁ 
ସାଜିବାକୁ ନିଜର ଦୁର୍ଲଭ ମାନବ 
ଜୀବନର ପଥପ୍ରଦର୍ଶକ ଦୁନିଆଁ 
ବୁକୁରେ l

ଆହ୍ୱାନ କରୁଛି ଆଜି ବିବର୍ତ୍ତନ 
ବାଦ ମାନବସମାଜକୁ ;ଜାଗିଉଠ
ମନପ୍ରାଣଦେଇ ଆଉ ଗଢ଼ିଚାଲ 
ତୁମ ନିଜନିଜର ନ୍ୟାଯ୍ୟ ମହାତ୍ମ୍ୟ 
ପୂର୍ଣ୍ଣ ଆତ୍ମବିକାଶମୂଳକ 
ତାଜ ମହଲ ;ଭୁଲିଯାଅ ସମସ୍ତ 
ସ୍ଥିତିକେନ୍ଦ୍ରିକ ବ୍ୟକ୍ତିଗତ ଆବିଳତା 
ବାନ୍ଧି ହେଇଯାଅ ଭାଇଚାରାର 
ସୁଗନ୍ଧଭରା ପ୍ରେମରଜ୍ଜୁରେ 
ପରସ୍ପର ବିଶାଳକରି ନିଜନିଜର 
ମନହୃଦୟ ଓ ପରିତ୍ୟାଗକରି 
ଅନ୍ତର୍ନିହିତ କୁତ୍ସିତ ମାନସିକତା
ଉଡିଯାଅ ବନ୍ଧୁ ଚାତକ ସଦୃଶ 
ଆଧ୍ୟାତ୍ମିକ ଜଗତର ଉଚ୍ଚତମ 
ସୋପାନକୁ ସାଜି ନିଜ ନିଜ
ଜୀବନର ନିଜେ ଜଣେ ଜଣେ 
ଉର୍ଦ୍ଧ୍ଵଚେତା ଅଧ୍ୟାପକ ଅନନ୍ତକାଳ 
ପର୍ଯ୍ୟନ୍ତ ଏହି ବସୁମାତାର 
ମାତୃମମତାବୋଳା ସୁଶାନ୍ତ 
କୋଳ ଉପରେ l
❤❤❤❤❤❤❤❤
Original click : Bhagirath 
Choudhary dated 15.11.24; name of the
English poem written 
by him ' Man is the 
Master'.
Translation in Odia 
Language made by
Abadhoot Panda.
❤❤❤❤❤❤❤❤