💐ମାଆଙ୍କ ଇଚ୍ଛା ପୁରା ହେଉ💐

ଗାଆଁ ମାଟି ଆମ ଧନ୍ୟ ହୋଇ ଅଛି

ପ୍ରଥମେ ସେ ମାଟି ମାତାହିଁ ଦେଇଛି

ଦଶ ମାସ ଗର୍ଭ ଯନ୍ତ୍ରଣା ସହିଛି

କର୍ମ କରିବାର ଭୂମିଟି ଦେଇଛି।୧।

ପ୍ରେମର ସାଗର ପବିତ୍ରତା ନୀର

ଅଜାଡି ଦେଇଛି ତତେ

ନିସ୍ବାର୍ଥ କର୍ମର ଅମୂଲ୍ୟ ସନ୍ଦେଶ

ହୄଦୟେ ଭରିଛି ତତେ।୨।

ଭାବି ଅଛି ମନେ ସୁପୁତ୍ର ହୋଇବୁ 

ଗାଆଁର ନାଆ ରଖିବୁ

ହସି ଉଠିବ ଗାଆଁ ହସି ଉଠିବ ମାଆ

ସୁବିଧା ସାରା କରିବୁ।୩।

ସତ୍ୟ ପଥେ ବାବୁ ବିଚଳିତ ନାହିଁ

ନିସ୍ବାର୍ଥ କର୍ମ କରିବୁ

ଧର୍ମ ପଥେ ରହି ଦେଶ ସେବୁ ଥିବୁ

ସତ୍ୟର ପଥେ ରହିବୁ।୪।             

ମାଆଙ୍କ କଥକୁ ଅବଜ୍ଞା ନକରି

ଜନଙ୍କ ସେବା କରିବୁ

ପବିତ୍ର ମାଟିରେ ଜନ୍ମଟି ତୋହର

ଦେଶ ହିତେ ପ୍ରାଣ ଦେବୁ।୫।

ଗାଆଁ ମାଟି ଆମ ଧନ୍ୟ ହୋଇ ଅଛି

ପ୍ରଥମେ ସେ ମାଟି ମାତାହିଁ ଦେଇଛି

ଦଶ ମାସ ଗର୍ଭ ଯନ୍ତ୍ରଣା ସହିଛି

କର୍ମ କରିବାର ଭୂମିଟି ଦେଇଛି।୬।