ମାଆ

କେତେ କଷ୍ଟ ସହି ଜନମ ଦେଇଚୁ

       ଦେଖାଇଛୁ ଏ ଦୁନିଆ,

ତୋ ସନ୍ତାନ ବୋଲି ପରିଚୟ ଦେଇ

       ସଂସାରେ କରିଛୁ ଠିଆ |

ବର୍ଷବର୍ଷ ଯିବ ଯୁଗ ବି ବିତିବ

       କରି ତୋ ସେବା ଚରଣ,

ଯୋଗ୍ୟ ହେବି ନାହିଁ ଶୁଝିବାକୁ ତୋର

       ମୋ ଉପରେ ଥିବା ଋଣ |

ଦେ ମାଆ ଆଶିଷ ଥାଉ ମୋ ବିଶ୍ୱାସ

       ଚିରଦିନ ତୋ ପାଦରେ,

ମାଆ ନାମ ଧରି ତୁଣ୍ଡେ ଶେଷ ବେଳେ

       ଯାଉ ପ୍ରାଣ ସ୍ୱର୍ଗ ପୁରେ |

ସରଗର ଶଶୀ ଲୋଡ଼ା ନାହିଁ ମୋର

       ଆଶା ନାହିଁ ପାରିଜାତ,

ଶିରେ ମୋର ରହୁ ତୋ ପଣତ ଛାଇ

       ଏତିକି ପାତୁଛି ହାତ |

କି ଅବା ମାଗିବି ତତେ ଆଉ ମାଆ

        ଦେଇଛୁ ବଡ ସମ୍ପଦ,

ଜୀବନ ରୂପକ ଉପହାର ଦେଇ

       କରିଛୁ ମତେ ତୁ ଧନ୍ୟ,

       କରିଛୁ ମତେ ତୁ ଧନ୍ୟ ||