ମାଆ

ମାଆ ତୋର ପାଦତଳେ

ସ୍ଵର୍ଗ ସୁଖ ମୋର

ତୋ ପଣତ କାନି ତଳେ

କଟେ ସବୁ ଦୁଃଖ ମୋର

ତୋର ସେଇ ଗାଳି ସବୁ

ମୋ ପାଇଁ ଚନ୍ଦନ

ତୋର ଅବଦାନ ପାଇଁ

ମୋର ଏ ଜୀବନ

ଜୀବନ ର ଚଲାବାଟେ

ତୁ ମୋର ଆଶରା

ତୋ ବିନା ମୋ ଜୀବନ ଟା

ବେରଙ୍ଗ ଓ ଅଧୁରା

ତୁ ଥରେ ଡାକି ଦେଲେ

ଧନ ବୋଲି ମୋତେ

ସବୁ ଅବସାଦ ଘୁଞ୍ଚେ

ନିମିଷ ମଧ୍ୟରେ

ତୋ ଋଣ ଏ ଜୀବନେ

ମାଆ ଶୁଝିପାରିଵିନି

ହେଲେ ତୋ ଆଖିରେ

ଲୁହ ଟୋପେ କେବେ

ବି ଦେବିନି

ତୋର ତ୍ୟାଗ ଅନୁରାଗ

ମମତାର ସ୍ପର୍ଶ

ଆଉ କେଉଁ ଠାରୁ ମାଆ

ମିଳିବ କହ ତ!

ଏତିକି ଆଶିଷ ମାଆ

ମୋ ଉପରେ ଥାଉ

ତୋ ସେବା ରେ ମୋ

ଜୀବନ କଟୁଥାଉ

ଜାଣ ଅଜାଣରେ ଯାହା

ଦୋଷ ମୁଁ କରିଛି

ସବୁ ଦୋଷ କ୍ଷମିବୁ ମା

ଏତିକି ମାଗୁଛି

କେଉଁ ଜନମର ପୁଣ୍ୟ ଫଳ

ଏ ଜନମେ ପାଇଛି

ତୋ ଗରଭେ ଜନମିଛି

ବୋଲି ଗରବ କରୁଛି

ଈଶ୍ୱର ଙ୍କୁ ବାସ୍ତବରେ

ଦେଖି ପାରିବିନି

ତୋ ରୂପ ରେ ତାଙ୍କୁ

ନିତି ଦର୍ଶନ କରୁଛି

ପ୍ରତି ଜନମରେ ମାଆ

ତୋ ସନ୍ତାନ ରୂପେ

ଜନମିଵି ଧରାଧାମେ

ଏତିକି ମାଗୁଣି ପ୍ରଭୁ ହେ

ମାଆ ତୋ ସମ ଆଉକେ

ନାହିଁ ଏ ସଂସାରେ

ତୋର ପାଦପୂଜା ହେଉ ଥାଉ

ସଵୁ ଯୁଗ ଯୁଗରେ।