ମାଆ

ନିଜ ବିଶ୍ଵାସର ଆତ୍ମତୃପ୍ତି ବଳେ

ସନ୍ତାନକୁ ଜନ୍ମ ଦିଏ ,

ବକ୍ଷରୁ ଅମୃତ ସନ୍ତାନକୁ ପେଇ

ଦୁବରୁ ଦ୍ରୁମ କରାଏ ।୧।

ସନ୍ତାନର ରକ୍ଷା କବଚ ରୂପରେ

ଦେବୀ ରୂପେ ମାଆଟିଏ ,

ନିଃସ୍ୱାର୍ଥପଣରେ ଭଲ ପାଇବାହିଁ

"ମା" ଦାନରେ ମିଳିଥାଏ ।୨।

ମାଆ ହାତର ସେ ' କଅଁଳ ପରଶେ

ସ୍ନେହ, ଶ୍ରଦ୍ଧା ଭରିଥାଏ ,

ମାଆ କାନି ତଳ ଆଦର ସରାଗେ

ଆଶୀର୍ବାଦ ଝରୁଥାଏ ।୩।

ଆତ୍ମବିଶ୍ୱାସ ଓ ଦୃଢ଼ ମନବଳ

ମାଆ ହିଁ ଶିଖାଇ ଥାଏ ,

ଭଲ ଆଉ ମନ୍ଦ ଭୁଲ ଆଉ ଠିକ୍

ରାସ୍ତାକୁ ଚିହ୍ନାଇ ଦିଏ ।୪।

ସଂସାର ହାଟର ଲମ୍ବା ପଥ ପରେ

ପ୍ରଥମ ଗୁରୁମା ସିଏ ,

ଜନ୍ମଦାତ୍ରୀ ମାତା ନିବିଡ ସମ୍ପର୍କେ

ମାଆ ପରି ହେବ କିଏ ?।୫।