ମାଆ

ମୁଁ ନୁହେଁ ସେଇ  ମାଆ  ଦିବସ ପାଇଁ 

    ଜଣାଇବି ଜନନୀକୁ 

ହାତ ସବୁ ଦିନ  ପୁଜା କରେ ମନ 

    ତା ଦୁଇ ଚରଣକୁ |1

ଛୋଟ ବେଳେ କେତେ କୁନି କୁନି ପାଦେ 

    ଚଢିଛୁ ପିଠି ପେଟକୁ 

ବଡ଼ ହେଲା ପରେ  ସେହି ଦୁଇ ଗୋଡ଼େ 

    ମାରି କରୁ ବାହାରକୁ |2

ତଥାପି ତ ମାଆ   ହୋଇଥାଏ ସାହା 

   ଦୁଃଖ ଯଦି କେବେ ଆସେ 

ବିପଦକୁ ଟାଳି   ସାଜେ ମାଆ କାଳୀ 

   ଖିଲି ଖିଲି ହୋଇ ହସେ |3

ମାଆ କ୍ଷୀର ଖାଇ  ସେନେହ ବି ପାଇ 

    ପୁଅ ହୁଏ ବଡ଼ ଲୋକ 

ବୁଢ଼ୀ ହୋଇଗଲେ  ପର କଥା ପାଲେ 

    ରଖି ଦିଏ ତାକୁ ଭୋକ |4

ଏଭଳି ସନ୍ତାନ  ତା କେମିତିକା ମନ 

    ଏନ୍ତୁଡ଼ିରୁ ମାରିଦିଅ 

ଜନ୍ମ ହୋଇ କାଇଁ  ଜଗତ କୁ ଯାଇ 

   କହେ ମାଆ ମୋର ପ୍ରିୟ |5

ଏତିକି ଲେଖୁଛି  ମନ ବୁଝେଇଛି 

   ସେହି ମୋ ଟିକି ଦୁନିଆ

ଲୁହ ପଛେ ଝରୁ ଲହୁବି ବାହାରୁ 

   ଡାକିବି ମୁଁ ମାଆ ମାଆ |6

    ଡାକିବି ମୁଁ ମାଆ ମାଆ |6