କୁମ୍ଭାର

ଶୁଭୁନାହିଁ ଆଉ ସ୍ୱର ଢାଉଁ ଢାଉଁ

   କୁମ୍ଭାରର ଚକ ଶାଳେ

ଛିଣ୍ଡା ଲୁଙ୍ଗି ପିନ୍ଧି ପଗଡିକୁ ବାନ୍ଧି

   ଦେହ ଭିଜୁଥିଲା ଝାଳେ |1

ଘର ପଛ ପଟେ କଣିଜାଳ କେତେ

    ଥୁଆ ହେଉଥିଲା ରହି

ତା ସଙ୍ଗେ ସଜା ଉଆ ଗୁମ୍ଫା ବଜା

    କୁମ୍ଭାର ସେନେହ ମହି |2

ଠେକି ସରା ଦୀପ ଅଜା ବୁଢ଼ା ଗପ

    ମନ ଖୁସି କରୁଥିଲା

ମାଠିଆ ସଙ୍ଗକୁ ଧରି ସେ ହାଣ୍ଡିକୁ

    ଗାଆଁ ଗଣ୍ଡା ବିକୁଥିଲା |3

ପୁରୀର ଅବଢ଼ା ହେଉଅଛି ବଢ଼ା

    ମାଟିର ପାତର ଗଲେ

ସୁନ୍ଦର ଲାଗଇ କାଳିଆକୁ ଦେଇ

     ଲାଗିଛି କଳା ଗାଲେ |4

ତଥାପି କୁମ୍ଭାର ଏଇ ଜଗତର

    ପ୍ରଥମ ପାତର ଗଢେ

ସାରା ଦୁନିଆରେ କହୁଅଛି ବାରେ

    ମାଟିର ମମତା ବଢେ |5