ମାଆ ସନ୍ତୋଷୀ ଗୋ ..
ମାଆ ସନ୍ତୋଷୀ ଗୋ ..
ମାଆ ସନ୍ତୋଷୀ ଗୋ' ତତେ ମୋ ' ରହିଲା ରାଣ....
ବିଶ୍ଵ ଜନନୀ ଗୋ ' ନିଃଶ୍ଵ ବାଣୀ ଥରେ ଶୁଣ................
ଶୁଣ "ମା" କଲ୍ୟାଣୀ ତୁହି ମାତା ରାଣୀ
ଦଣ୍ଡ ନାହିଁ ଅକାରଣ ,
ଜାଣେନା ଜନନୀ ଧରେ ପାଦ ବେନି
କାନ୍ଦଇ ମୋର ପରାଣ ।
ଆଶା ବୈତରଣୀ ବୁହାଇଛୁ ପୁଣି
କରମ ଦିଏ କଷଣ ,
ମା' ଦୁଃଖ ହାରିଣୀ ବେଳ ବୁଡ଼ିଲାଣି
ଦୁଃଖ କର "ମା" ହରଣ ।
ମୁଁ ' ଅବୋଧ ନାରୀ ସନ୍ତାନ ତୋହରି
କରିବୁନି " ମା " ବାରଣ ,
ଦୁର୍ଗତି ହାରିଣୀ ଜଗତ କଲ୍ୟାଣୀ
ଆଶା ମୋ' କର ପୂରଣ ।
ଏ' ମନ ଉଦାସୀ ମାଆ ଗୋ' ସନ୍ତୋଷୀ
ଫେଡ଼ ବାରେ ମୋ' କଷଣ ,
ଜଣାଏ ପ୍ରଣତି ଜାଳି ଆଶାବତୀ
ଚରଣେ ଦେ ମା' ଶରଣ।