ମାଆ ଶକ୍ତିମୟୀ
ମାଆ ଶକ୍ତିମୟୀ
ମାଆଲୋ ତୁ ଆଦ୍ୟା ଅନ୍ନପୂର୍ଣ୍ଣା ଶକ୍ତିମୟୀ
ଦୂର୍ଗା ରୂପେ ଅନଳରୁ ଆବିର୍ଭୂତା ହୋଇ ।।
ତୁ କାଳୀ କରାଳୀ ମାଗୋ ନରମୁଣ୍ଡମାଳୀ
ଦୁର୍ଗତି ନାଶିନୀ ଦୁଷ୍ଟ ଦନୁଜ ସଂହାରି ।।
ଚଣ୍ଡ ମୁଣ୍ଡ ବିନାଶିନୀ ନିଶୁମ୍ଭ ନାଶିନୀ
କଇଟଭ ମେଦେ ସୃଷ୍ଟି କରିଲୁ ମେଦିନୀ
ନନ୍ଦଘରେ ଯୋଗମାୟା ରୂପେ ଜନମିଲୁ
କଂସର ମରଣ ପାଇଁ ବ୍ୟବସ୍ଥା କରିଲୁ ।।
ମହିଷାସୁରକୁ ମାରି ରଖିଲୁ ତ୍ରିପୁର
ଶ୍ରୀରାମ ପୂଜାରେ ତୋଷ ହୋଇ ଦେଲୁ ବର ।।
ତୋର ପଦ ସେବା କରି ଯମଦଗ୍ନି ବାଳ
କୁକ୍ଷତ୍ରି ମାନଙ୍କ ପାଇଁ ହେଲେ ମହାକାଳ
ତୋର କୃପା ଯାହାପରେ ରୁହଇ ଅତୁଟ
ଭବେ କିଏ କରିପାରେ ତାହାର ଅନିଷ୍ଟ ।।
କାଳିଦାସ ପାଇଥିଲେ ତୋର କୃପା ଦୃଷ୍ଟି
ଲେଖିଗଲେ କାବ୍ୟମାନ ଯୁଗଜୟୀ ସୃଷ୍ଟି।।
ତୁହି ମାଆ ମହିମାମୟୀ ତ୍ରିଦେବ ବନ୍ଦିତା
ତୋର ପଦ୍ମପାଦେ ମୋର ଲୋଟୁ ସଦା ମଥା ।।