ମାଆ ର ତ୍ୟାଗ

ମାଆ ତୋ ପଣତେ    ମୁହଁ ପୋଛିବାକୁ

       ଭାରି ଇଛା ହୁଏ ଆମର

ପାଠ ଷାଠ ପଢ଼ି      ନାମକୁ ଶିକ୍ଷିତ

       ତୋ'ଠୁ ଆମେ ବହୁଦୂର

ଚାକିରୀ କରିବ       ବଡ଼ଲୋକ ହବ

        କହୁଥିଲୁ ଦିନେ ଆମକୁ

ପୁଅ ଦୁଇଟାଙ୍କୁ       ପାଖରେ ନପାଇ

        କାନ୍ଦୁଚୁ ଲୁଚେଇ ଲୁହକୁ

ଆମ ଖୁସି ପାଇଁ       ବୁଢ଼ୀ ବୟସରେ

        ପରଘରେ ମୁଲ ଲାଗିଚୁ

ଏତେ ଦୁଃଖ ଥାଇ     ଜୀବନରେ ତୋର

        ଆମକୁ ଖୁସିରେ ରଖିଚୁ

ଯେତେ ଲେଖିଲେବି     ସରିବନି ମାଆ

       ତୋ ଜୀବନ ଦୁଃଖ କଥା

ତୋ ତ୍ୟାଗ, ସାହସ     ବିରତ୍ୱ ପାଖରେ

        ନଇଁଯାଏ ଆମ ମଥା

ତୁ ଆମପାଇଁ          ଚଳନ୍ତି ଠାକୁର

       ତୋ ପାଖେ ଅଳି ଆମର

ସବୁ ଜନମରେ        ତୋହରି କୋଳରେ

       ଜନମୀବୁ   ପ୍ରତିଥର ।