ମାଆ ଦୁର୍ଗା

ରମ୍ଭାସୁର ଦୃଢ ତପସ୍ୟା ବଳରେ

ପ୍ରସନ୍ନ କରିଲେ ଅଗ୍ନି ଦେବଙ୍କୁ

କି ବର ମାଗୁଛ ମାଗ ତୁମେ ରମ୍ଭା 

ପୂରଣ କରିବି ତୁମ ଇଚ୍ଛାକୁ l୧

ଆମ କୋଳେ ଗୋଟେ ପୁତ୍ର ଜନ୍ମ ଦିଅ

ଦୟାର ସାଗର ଅଗ୍ନି ଦେବତା

ରମ୍ଭା ପତ୍ନୀ ଗର୍ଭେ ପୁତ୍ର ଜାତ କଲେ

ତଥାସ୍ତୁ କହିଲେ ଦୟାର ଦାତା l୨

ରମ୍ଭା ପତ୍ନୀ କୋଳୁ ଜାତ ହେଲା ପୁତ୍ର

ନାମ ଥିଲା ତାର ମହିଷାସୁର

ତପସ୍ୟାର ବର ବ୍ରହ୍ମା ଦେଲେ ତାଙ୍କୁ

ଖୁସିରେ ବିଭୋର ହେଲା ଅସୁର l୩ 

 

ବ୍ରହ୍ମା ବର ବଳେ ପରାକ୍ରମୀ ହେଲା

ଖଳାସୁର ସେହି ମହିଷାସୁର

ଦେବଲୋକେ ଯାଇ କଲା ଯେ ତାଣ୍ଡବ 

ଅତ୍ଯାଚାର କଲା ସିଏ ପ୍ରଚୁର l୪

ଦେବତା ମାନଙ୍କୁ କରିଲା ସେ ବନ୍ଦୀ

କଲା ସିଏ ବହୁତ ଅତ୍ଯାଚାର 

ଚିନ୍ତାର କାରଣ ହେଲା ସଭିଙ୍କର 

ଦୁଷ୍ଟାସୁର ସେହି ମହିଷାସୁର l୫

ଦେବତା ମାନଙ୍କ ଭାଳେଣି ପଡିଲା 

ହେଲେ ସବୁ ସ୍ତବ୍ଧ ଦେବଲୋକରେ

ସଭିଏଁ ଧାଇଁଲେ ବିଷ୍ଣୁଙ୍କ ପାଖକୁ

ବିନତୀ କରିଲେ ତାଙ୍କ ପାଖରେ l୬ 

ଶେଷ ହେଲା ପୁଣି ଦେବ ଆଲୋଚନା

ବାହାର କରିଲେ ସୁଉପଚାର

ସବୁ ଦେବ ମିଶି ଏକ କଲେ ଶକ୍ତି

ଗଠନ କରିଲେ ନାରୀବତାର l୭

ଅସ୍ତ୍ରଶସ୍ତ୍ର ସବୁ ପ୍ରଦାନ କରିଲେ 

ମାଆ ଦୁର୍ଗା ତାଙ୍କ ନାମ ରଖିଲେ

ସିଂହ ବାହାନରେ ବସେଇଲେ ତାଙ୍କୁ 

ଅସୁର ନିବାସେ ପ୍ରବେଶ କଲେ l ୮

ଯୁଦ୍ଧ ପାଇଁ ପୁଣି ଡାକରା ମାରିଲେ 

ଜଗତ ଜନନୀ ସେ ଦୁର୍ଗାଦେବୀ 

ନାରୀ ସ୍ୱର ଶୁଣି କମ୍ପିଲା ଅସୁର

ସତେ ଯେ ଉଠିଲେ ପଶ୍ଚିମେ ରବି l୯

ନାରୀ ବୋଲି କହି ଉପହାସ କଲେ

ଦୁଷ୍ଟ ଅସୁର ସେ ମହିଷାସୁର 

ଅମର ବର ଯେ ପାଇଛି ବ୍ରହ୍ମାଠୁ

ତୁ କ'ଣ କରିବୁ ଏ ଅସୁରର l୧୦

ଘମାଘୋଟ ଯୁଦ୍ଧ ହୋଇଲା ସେଠାରେ

ବଦ୍ଧ ହେଲା ପୁଣି ମହିଷାସୁର 

ଦେବଲୋକେ କେତେ ଖୁସିର ଲହରୀ

ହେଲା ଦୁର୍ଗାଙ୍କ ଜୟ ଜୟକାର l୧୧

ଦୁର୍ଗତିନାଶିନୀ ଦୁଷ୍ଟ ବିନାଶିନୀ

ଗନ୍ଦ ପୁଷ୍ପେ ପୁଣି ପାଇଲେ ପୂଜା

ସଙ୍କଟହାରିଣୀ ମହିଷାମର୍ଦ୍ଧିନୀ

ଜଗତେ ଉଡିଲା ବିଜୟ ଧ୍ୱଜା l୧୨