ମାଆ ଆସୁଛନ୍ତି

ଅଶିଣେ ଆସିଛି ପାର୍ବଣର ଋତୁ

             ଶୋଭାର ସମ୍ଭାର ଘେନି

ଶୁଭ୍ର କାଶତଣ୍ତି ଫୁଲ ଶାଢୀ ପିନ୍ଧି

              ସଜ୍ଜିତା ଧରଣୀ ରାଣୀ ।

ମାଆ ଆସୁଛନ୍ତି ସରଗ ପୁରରୁ

              ଧରା ପୄଷ୍ଟକୁ ଓହ୍ଲାଇ

ଭ୍ରଷ୍ଠାଚାର ଦୂର ଦୁଷ୍ଟଙ୍କୁ ସଂହାର

              ଜଗତ କଲ୍ୟାଣ ପାଇଁ ।

ଚଳ ଚଞ୍ଚଳ ଯେତେ ଶକ୍ତିପିଠ

               ମାଆଙ୍କର ଆଗମନେ

ଉତ୍ସବ ମୁଖର ମନ୍ଦିର ପ୍ରାଙ୍ଗଣ

              ଦୁର୍ଗାଙ୍କର ଆବାହନେ ।

ଜୟ ମାଆ ଦୁର୍ଗେ ମହିଷା ମର୍ଦ୍ଦିନୀ

              ସଙ୍କଟ ତାରିଣୀ ମାଆ

ଭିନ୍ନ ଭିନ୍ନ ସ୍ଥାନେ ପାଉଅଛ ପୂଜା

              ନେଇ ଭିନ୍ନ ଭିନ୍ନ ନାଆଁ ।

ଝଙ୍କଡେ ଶାରଳା କାକଟ ପୁରରେ

              ପାଉଛ ପୂଜା ମଙ୍ଗଳା

ଯାଜପୁରେ ଅଛ ମାତା ବିରଜାଇ

              ନୀଳାଚଳରେ ବିମଳା ।

ସମ୍ବଲପୁରରେ ମାଆ ସମଲାଇ

              ବାଣପୁରେ ଭଗବତୀ

ବାଙ୍କିରେ ଚର୍ଚ୍ଚିକା ଅଧିଷ୍ଠାତ୍ରୀ ଦେବୀ

             ଫେଡନ୍ତି ଦୁଃଖ ଦୁର୍ଗତୀ ।

ତାଳଚେରେ ବିଜେ ଜନନୀ ହିଙ୍ଗୁଳା

             କଟକ ଚଣ୍ତୀ କଟକେ

ଏତିକି ପ୍ରାର୍ଥନା ଢାଳି ଦିଅ ମାଆ

             ଆଶୀଷ ବାରୀ ମସ୍ତକେ ।