ମା
ମା
ମୁଁ କେଉଁ ଶବଦ ରେ ବିଦିତ କରିବି ତୁମକୁ ,
ଏ ବର୍ଣ୍ଣ ଗୁଡିକ ତ ତୁମଠୁ ସୃଷ୍ଟି ।
ମୁଁ କେଉଁ ଶୃଙ୍ଗାର ରେ ଭୂଷିତ କରିବି ତୁମକୁ,
ଏ ସୌନ୍ଦର୍ଯ୍ୟ ର ତ ତୁମେ ଅଧିଷ୍ଠାତ୍ରୀ।
ମୁଁ କେଉଁ ଆବେଗରେ ସ୍ଥାନିତ କରିବି ତୁମକୁ
ତୁମେ ତ ଉତ୍କଣ୍ଠା ର ସାମ୍ରାଜ୍ଞୀ।
ମୁଁ କେଉଁ ଆଶ୍ଚର୍ଯ୍ୟ ଟି ଉପହାର ଦେବି ତୁମକୁ,
ତୁମେ ତ ଏ ବିଶ୍ୱ ର ସୃଷ୍ଟି କାରିଣୀ।
ମୁଁ କେଉଁ ପୁଷ୍ପ ରେ ବାନ୍ଧିବି ତୁମ କେଶକୁ,
ତୁମେ ତ ସୌରଭ ର ରୂପ।
ମୁଁ କେଉଁ ରଙ୍ଗରେ ରଙ୍ଗେଇବି ତୁମ ସିନ୍ଥିକୁ,
ସେ ତ ନାଲି ରଙ୍ଗରେ ସୁସଜ୍ଜିତ।
ମୁଁ କେଉଁ ଆଚ୍ଛାଦନେ ଆବୋରିବି ତୁମ କାୟାକୁ,
ତୁମେ ତ କଟି ଭୂଷଣ ର ରାଣୀ।
ମୁଁ କେଉଁ ଅଳଙ୍କାରେ ସଜ୍ଜିବି ତୁମ ଅଙ୍ଗକୁ
ତୁମେ ତ ମୁକ୍ତାର ଉତ୍ପାଦୟିନୀ।
ମୁଁ କେଉଁ ଉଦକରେ ପଖାଳିବି ତୁମ ପାଦକୁ,
ତୁମେ ତ ନାରୀ ରୂପୀ ନୀର।
ମୁଁ କେଉଁ ଆସନରେ ଅଧିଷ୍ଠ କରିବି ତୁମକୁ,
ଏ ପ୍ରକୃତି ତ ଅଂଶ ଟିଏ ତୁମ ଦେହର।
ମୁଁ କେଉଁ ରାଇଜର ରାଜଭାର ଦେବି ତୁମକୁ,
ତୁମେ ତ ଏ ସୃଷ୍ଟି ର ଆଦ୍ୟ ସ୍ରଷ୍ଟା।
ମୁଁ କେଉଁ ନୃତ୍ୟ ତାଳେ ମୋହି ନେବି ତୁମ ମନକୁ,
ତୁମେ ତ ରୋମାଞ୍ଚ ଭାବ ର ରଚୟିତା।
ମୁଁ କେଉଁ ସ୍ୱର ନାଦେ ଛୁଇଁ ଯିବି ତୁମ ପ୍ରାଣକୁ,
ତୁମେ ତ ସୁର ସଙ୍ଗୀତ ର ଦେବୀ।
ମୁଁ କେଉଁ ଛନ୍ଦ ମଧ୍ୟେ ରଚିବି ତୁମ ଗୁଣକୁ,
ତୁମେ ତ ସଂସ୍କାର ର ଜୀବିତ ପ୍ରତିମୂର୍ତ୍ତି ।
ମୁଁ କେଉଁ ସିନ୍ଦୁକ ର ଚାବି ନେନ୍ଥା ମାଗେ ତୁମକୁ,
ମୁଁ ତ ତୁମ ହୃଦ ମଞ୍ଜୁଷା ରେ ରତ୍ନ।
ମୁଁ କେଉଁ ମାନ ବାଢି ରୋଷ କରି ବସେ ତୁମକୁ ,
ତୁମେ ତ କୋମଳ ହିଆର ଉଦାହରଣ।
ମୁଁ କେଉଁ ସୁଖ ପୁଷ୍ପ ଅଞ୍ଜଳି ଦେବି ତୁମ ପୟରେ ,
ତୁମେ ତ ମୋତେ ଖୁସି ର ଆଗାର ମଣ।
ମୁଁ କେଉଁ ଯନ୍ତ୍ରଣା କୁ ଲୁଚାଇବି ତୁମ ଦୃଷ୍ଟି ରୁ,
ତୁମେ ତ ମୋ ସ୍ଥିତି ର ଚଳଣି ଜାଣ।
ମୁଁ କେଉଁ ସମ୍ମାନ ରେ ସମ୍ବର୍ଦ୍ଧିତ କରିବି ତୁମକୁ,
ତୁମେ ତ ମାତୃତ୍ବ ଉପାଧି ଜିଣ।
ମୁଁ କେଉଁ ନାମ ରେ ପରିଚୟ ଦେବି ତୁମକୁ,
ତୁମେ ତ ମୋ "ମାଆ" ର ଡାକ କୁ ଶୁଣ।