ଲୁହ ଓ ଲହୁ

ବ୍ୟସ୍ତତା ମୋ ମନ ଆବୋରି ପକାଏ

ସାରା ସଂସାରଟା ମୋ ନିରବୀ ଯାଏ

ନୟନରେ ତମ ଲୁହ ଦେଖି ,

ସେ ବେଳେ ଏକାକୀ ଭୁଥାଏ ବସି

ପଲକ ମାତ୍ରକେ ଭାସି ଆସ ସଖୀ

ଆମ ପ୍ରେମ ସ୍ମୃତି ସ୍ୱପ୍ନେ ମାଖି ll ୧

ଋତୁ ରାଜ ସଖୀ ଅଛି ମୋର ସାକ୍ଷୀ

ତମ ଆଖି ସହ ମିଶେ ମୋର ଆଖି

ମିଳନ ଘଟିଲା ଯେଉଁ ଦିନ ,

ବେଳ ଅବେଳରେ ବିଷଦେ ପ୍ରଫୁଲ୍ଲେ

ଗଡି ବନି ଲୁହ ମୋ ଆଖି ଆଗରେ

କଥା ଥିଲା କରିଥିଲ ପଣ ll ୨

ଭୁଲିକି ଯାଇଛ ସତ ସତ କୁହ

କଥା କାଟିଦେଇ ଝରାଇଲା ଲୁହ

ସ୍ୱପ୍ନ ରହିତ ଏ ଆଖି ସାମ୍ନେ ,

ଜାଣିନlହଁ କି ଗୋ ମୋର ନିରିମାଖି

ତମ ଆଖି ଲୁହ ଝରି ଗଲେ କିଛି

ଏ ହିଆରୁ ଲହୁ ବହେ ନିମ୍ନେ ll ୩

ଏହି ସବୁ ଦୃଶ୍ୟ ଯିବି ଭୁଲି ବୋଲି

ବିଜନ ବେଳାରେ ଖୁବ ଗୋପନରେ

ସନ୍ଧି ଲଗାଇଛି ପୃଥ୍ଵୀ ସହ ,

ପିଇବନି ସିଏ ଟୋପେ ତମ ଲୁହ

ତୃଷାର୍ତ୍ତ ଚକୋର ମୁଁ ଚାହିଁଛି

ପିଇଯିବି ପ୍ରିୟା ତମ ଲୁହ ll ୪

ସର୍ବଂସହା ମହୀ କଥାତ ଦେଇଛି

ତମ ତିକ୍ତ ଲୁହ ପିଇବନି ବୋଲି

ସାଲିସ କରିଛି ମୋ ସହ ,

ପ୍ରତିବଦଳରେ ମାଗି ବି ନେଇଛି

ମୋ ଆତ୍ମା ବିଲୀନ ଘଟିବ ଯେ ଦିନ

କୋଳେ ନେଇ ଯିବ ଏହି ଦେହ ll ୫