ଲୁଚକାଳି

ପିଲାଦିନ ଖେଳ ଲୁଚକାଳି ଖେଳ

ମନେ ପଡିଯାଏ ଆଜି

ଖେଳରେ ଆନନ୍ଦ ମଜା ନେଉଥିଲୁ

ଗଲାଣି ସେଦିନ ହଜି ।

ସୂର୍ଯ୍ୟ ସାଥେ ମେଘ ଖେଳେ ଲୁଚକାଳି

ଦେଖୁ ଆମେ ପୃଥିବୀରେ

ତାଙ୍କ ଖେଳ ଦେଖି ଅତି ଆନନ୍ଦିତ

ଲାଗଇ ଏହି ମହୀରେ ।

ଚନ୍ଦ୍ର ସାଥେ ମଧ୍ୟ୍ୟ ଛାଇ ଆଲୁଅର

ଖେଳ ଚାଲେ ଦିବା ନିଶି

ପକ୍ଷେ ଅନ୍ଧକାର ପକ୍ଷେ ଆଲୋକିତ

ଏତ ସଂସାରର ନୀତି l

ସମୁଦ୍ର ସାଥିରେ ପବନ ମିଶିଣ

ଖେଳନ୍ତି ତ ଲୁଚକାଳି

ଦୋଦୁଲ୍ୟମାନ ତ ଲହରୀ ଉଠଇ

ମନ ମୁନ ଦିଏ ଟାଳି l

ଭୟଙ୍କର ଢେଉ ସାଥିରେ ନଉକା

କି ଶୋଭା ସାଗର ଦିଶେ

ସମୁଦ୍ର କୂଳରେ ସପ୍ତ ରଙ୍ଗ ଭରା

ମଣିଷ ସମାଜ ହସେ ।

ଭକତ ସାଥିରେ ଭଗବାନଙ୍କର

ହୁଏ ଲୁଚକାଳି ଖେଳ

କେତେବେଳେ ଦୁଃଖ କେତେବେଳେ ସୁଖ

ଛାଇ ଆଲୁଅରେ ଚଳ l

କେତେବେଳେ ଟିକେ ଦେଖାଦେଇ ଦିଏ

କେତେବେଳେ ଯାଏ ଲୁଚି

ଭକତ ଖୋଜଇ ବାହୁନି ବାହୁନି

ହାତରେ ବାଡେଇ ଛାତି l

ନେତା ମନ୍ତ୍ରୀ ମାନେ ଜନତା ସାଥିରେ

ଖେଳନ୍ତି ବିଭିନ୍ନ ଖେଳ

ତାଙ୍କ ଠାରୁ ନେଇ ତାଙ୍କୁଇ ଦିଅନ୍ତି

ନାଁ ନିଅନ୍ତି କେବଳ l

ଏପଟେ ନିଅନ୍ତି ସେପଟେ ଦିଅନ୍ତି

ଜମିବାଡ଼ି ତ ପଡିଆ

ମାଗଣା ଚାଉଳେ ହେଣ୍ଡି ମାରୁଛନ୍ତି

ସକଳେ ହେଲେ କୋଢ଼ିଆ l

କାହାକୁ କହିବା ସମସ୍ତେ ତ ତାହା

କରୁଛନ୍ତି ଏ ବିଶ୍ୱରେ

ବିଶ୍ୱବିହାରୀର ଦାନ କୁ ସମର୍ପି

ଦିଅନ୍ତି ଇଶ୍ୱର ଠାରେ ।।