ଲକ୍ଷ୍ମଣ ରେଖା

କାଳର କରାଳେ ବିଧିର ବିଧାନେ ବିପଦେ ସତର୍କ ରେଖା 

ସତ୍ୟ ଓ ନ୍ୟାୟର ସୁରକ୍ଷା ବଳୟ କାଳ୍ପନିକ ଚିତ୍ର ଲେଖା ।

ମାୟା ମୃଗ ଯେବେ ମରୀଚିକା ପରି ନୃତ୍ୟାଙ୍ଗନା ଅପସରୀ

ନୟନ ପଟରେ କେବେ ଦୃଶ୍ୟ, ପୁଣି ଛାଇ ସମ ଅପସରି 

ମନର ମାନସେ ଆଙ୍କି ହୋଇଯାଏ ଘନବଳୟଟି ସମ

ହୃଦୟ ଆକାଶେ କେନ୍ଦ୍ରୀଭୂତ କରେ ଜାଜ୍ଜଲ୍ୟମାନ ତପନ ।

ମୋହର ମହଣେ ଲୋଭନୀୟ ଲୋଭେ ବଶୀଭୂତ କ୍ଷୀପ୍ରବେଗେ

ଅହଂ ଅହଙ୍କାରେ କାମନାରେ ନର ବିଚଳିତ ତଡବେଗେ

ଧାବନ ଅଶ୍ୱଟିଏ ଚଞ୍ଚଳା ମନ ବିକର୍ମ ସଂଯୋଗ ବେଳେ

ଗୁପ୍ତ ଲୁପ୍ତ ପ୍ରାୟ ଲକ୍ଷ୍ମଣ ରେଖାଟି ଭଲମନ୍ଦ ଯେବେ ତୋଳେ ।

ସଉଭାଗ୍ୟବତ୍ ଆଦରି ଲକ୍ଷଣ କର୍ମ କରେ ପ୍ରତିକ୍ଷଣେ

ସୃଷ୍ଟିର ନିୟତେ ଲବ୍ଧ ହୁଏ ଫଳ କର୍ମର ପ୍ରତିରୋପଣେ  

ଭାଗ୍ୟ ପାରାବାରେ କର୍ମର ଜୁଆର ଉନ୍ମେଷିତ ଶକ୍ତିମୟ

ସ୍ୱତଃ ଆଙ୍କିଦିଏ ଲକ୍ଷ୍ମଣ ରେଖାଟି କର୍ମକୁ କରିଣ ଲୟ ।