Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Lopamudra Mishra

Others

1.0  

Lopamudra Mishra

Others

ଲଜ୍ୟା ଓ ପରଦା

ଲଜ୍ୟା ଓ ପରଦା

3 mins
6.7K


*ଲଜ୍ୟା ଓ ପରଦା*

ମାଆ ର ଓଢଣୀ ଢଙ୍କା ମୁହଁ

ଗୃହବନ୍ଦୀ ଜୀବନ

କୁନି ଝିଅ ପାଇଁ ସବୁ ଅବୁଝା

"ମାଆ ଆମ ଗାଁରେ ମାଆମାନେ କାହିଁକି

ସବୁବେଳେ ଘରେ ରହନ୍ତି ଲୁଚିକି?

ଘରୁ ବାହାରିଲେ ଲାଜରେ ମୁହଁ ଘୋଡାନ୍ତି "l


ମାଆ ର ଅଦ୍ଭୁତ ହସ

କି ଏକ ଅଜଣା ଅପରାଧ

ଘଷାପିଟା ଅନାକର୍ଷକ ଜୀବନ

ଖାଲି ଯାହା ପାଦରେ ହାତରେ

ମିଛ ପରମ୍ପରା ର ଶିକୁଳୀ ବନ୍ଧନ l


"ମାଆ ! ତୁ ଵି ଚାଲେ ଆମ ସାଥେ

ରଜରେ ଦୋଳି ଝୁଲିବୁ

ଖୁବ ଉଚ୍ଚାକୁ ଉଠିବୁ

ଆକାଶକୁ ଟିକେ ଛୁଇଁ ଆସିବୁ

ପିଉସୀ ଵି ଯିବେ

ବାଉଁଶର ଝୁଲିଟା ଲାଗିଛି

ଗାଁ ଶେଷ ବୁଢ଼ା ବରଗଛେ " l


ଝିଅ କି ବୁଝିବ

ବୟସ ଵା ତାର କେତେ?

ପିଉସୀ ଏ ଘରର ଝିଅ

ଅନ୍ୟ କାହା ଘରେ ସେ ବି

ରୋଷେଇ ଘର କୂପ ମଣ୍ଡୁକ l


ଝିଅ ଭଉଣୀ ମାଆ ସ୍ତ୍ରୀ ବୋହୂ ଶାଶୂ

ନାମ ଅନେକ କଷଣ ଏକ

ନାରୀ ର ଭୂଷଣ ଲଜ୍ଜ୍ୟା

ପୁରୁଷ ତ ଚୀରକାଳ ନିର୍ଲଜ l


"ମାଆ ! ତୋ ଘର କୋଉଠି?

ଜେଜେମାଆ କାହିଁକି କହେ ପରଝିଅ?

ମାମୁଁ ଘରେ ଟାରେ ତୁ କାହିଁ ରହୁନା

ଅଜା ଆଈ ମାମୁଁ ମାଇଁ

ତଡି ଦେଲେ ବୋଧେ ଏଠିକି? "


ଝିଅ ର ଘର ନଥାଏ ଲୋ ପାଗିଳି !!

କେବେ ଏଘର ପୁଣି କେବେ ସେଘର

ଖାଲି, ବାପା, ଭାଈ ଆଉ ସ୍ୱାମୀର l

ବାହାଦେଲେ ବୋଝ ଯାଏ ଓଲ୍ହାଇ

ବୋହୂ ହୋଇ ଆସେ ନଇଁ ନଇଁ

କଣ ପାଇଁ?

ସିଧା ଚାଲିଲେ କାହାର କିଯାଏ ?

ଦୃଷ୍ଟି ରହେ ତାର ତଳକୁ

ଅଜବ ଏ ସଂସ୍କୃତି

ମଣିଷଟା କଣ ଚିଡିଆ ଖାନା ର ଜିରାଫ

ନବବଧୂ ର ମୁହଁଦେଖା ପ୍ରହସନ

ଭଲ କି ଭେଲ

ଖାଲି ବାହାରଟା ଦେଖି ନାନାଦି ଟିପ୍ପଣୀ l


"ମାଆ ! ମୁଁ ବାହା ହେଇ ପଳେଇବି l

ତୋପରି ମୁଣ୍ଡରେ ଲୁଗାଦେଇ,

କିଚେନ ରେ ରାନ୍ଧିବି l

ମତେ ଵି କଣ ମାରିବେ ଶାଶୁଘରେ?

ମାଆ ! ମୁଁ କି ଦିନେ ଲୁଚି ଲୁଚି କାନ୍ଦିବି? "


ନାଁ ଝିଅ ନାଁ !

ତୁ ତୋ ମୁହଁ ଢାଙ୍କିବୁନି

ହାଣ୍ଡିଶାଳ ର କୂପମଣ୍ଡୁକତା ରୁ ବାହାରକୁ

ଅନେକ ଆଗକୁ ତତେ ଯିବାକୁ ହେବ l

କଦାପି ନଇଁଯିବୁନି

ଅଣ୍ଟା ସଳଖି ଚାଲିବାକୁ ହେବ l


ଲାଜ କାହାକୁ?

ହାତେ ଓଢଣୀ ତଳର କି ସେ ଜୀବନ

ଯେ ଜୀଏଁ ସେ ଜାଣେ

ମିଥ୍ୟା ଗୋଟେ ନିୟମ

ଜଣଙ୍କ ମଦ ଖିଆ

ଆର ଜଣଙ୍କ ପିଠି ରେ ନିଶା ଉତୁରା

ମଦ୍ୟପ ର ନାହିଁ ଲଜ୍ୟା

ସରମେ ଲୁଚେ ସ୍ତ୍ରୀ

ଆପଦମସ୍ତକ ଆବରଣ ଆଉ ପରଦା l


ଝିଅ ଲୋ ! ତୁ ପଢ଼ିବୁ

ଖୁବ ପଢ଼ିବୁ l

ଆଖିରେ ଆଖି ମିଶେଇ କଥା ହେବୁ

ଲାଜରେ ମୁହଁ ତଳକୁ ନୁହେଁ

ଗର୍ବ ରେ ମୁଣ୍ଡ ଟେକି ଚାଲିବୁ l


କି ଦରକାର ସୁନାବୋହୂର ସୁନାମ

ସେ ନାଁଟା ପଛରେ ଅନେକ ଯାତନା

ତୁ ତୁ ହେଇ ରହିବୁ ଧନ

ବଞ୍ଚିବୁନି ମୋ ପରି ଗୋଲାମର ଜୀବନ l

ନତ୍ୟାଗୀ ସବୁ ସ୍ବପ୍ନ ଆକାଂକ୍ଷା

ନଦେଇ ଜଳାଞ୍ଜଳି ସ୍ୱାଧୀନତା

ଯଜ୍ଞ କୁଣ୍ଡରେ ଜୀବନକୁ ଦେବୁନି ଆହୂତି l


ନିଜ ଭିତରେ ଜିଅନ୍ତା ଜୀବନର ସତ୍ତା

ତୁ ଖୋଜି ନପାଇଲେ

ଉଡିଯିବ ତୋ ଠାରୁ

ଜୀଇଁ ଥାଉ ଥାଉ ମରିଯିବ

ତୁ ଖୁବ ଜୀଇଁବୁ ଆଉ ମନଭରି ହସିବୁ

ହସ କାନ୍ଦକୁ ଚାପି ରଖି

ଅଣନିଶ୍ୱାସୀ ନହେଇ ଖୋଲିଯିବୁ l


କାହାରି କଥାରେ ଭୟପାଇ

ପାଟି ରେ ଦେବୁନି ତାଲା

ରୋକଠୋକ ଜବାବ ଫେରେଇବୁ

ତୁ ନୁହେଁ ମୁକ ଅବା କାଲା l


ନାରୀ ନୁହେଁ ନାକକାନ୍ଦୁରୀ

ବଦଳେଇ ଦେବୁ ସଂଜ୍ଞା

ତୋ ଜୀବନଟା କେବଳ ତୋର ଝିଅ

ତୁ ତୋ ଇଚ୍ଛାରେ ସଜେଇବୁ

ପଢ଼ିବୁ, ଖେଳିବୁ, ନାଚିବୁ, ଗାଇବୁ

ହାରିବୁନି, କେବେ ରହିଯିବୁନି

ଆଗକୁ ତିଆରିବୁ ତୁ ତୋ ନିଜ ରାସ୍ତା l


ପରିବର୍ତନ ସହ ଚାଲିବୁ ଝିଅ

ନିର୍ଜୀଵ ପରି ସ୍ରୋତରେ ଭାସିଯିବୁନି

ପହଁରିଯିବୁ ସାତ ସମୁଦ୍ର

ବଦଳେଇଦେବୁ ପବନ ର ଦିଗ

ଭାଙ୍ଗି ଟୁକୁଡା କରିଦେବୁ

ବର୍ଷ ବର୍ଷ କ୍ରୂର ନିଷ୍ଠୁରତା

ଶକ୍ତ କରି ଦେହ ମନ, କରିବୁ ଅନ୍ତ

ଅସଂଖ୍ୟ ଦିନର ଯାତନା ଆଉ ଅଜ୍ଞତା l


ସୁନା ନହୋଇ ତୁ ଲୁହା ହୋ

ନରମ କୋମଳ କୋଉ କାମକୁ

ଘୋଡେଇ ଘାଡେଇ ସଯତ୍ନେ

କାଚ କଣ୍ଢେଇ ପରି ସାଇତିବେ

ରୁଦ୍ଧ ସୋକେଶ ର କାଚ କବାଟ

ସବୁ ସ୍ୱପ୍ନରେ କବର ପଡ଼ିଯିବ l


ମୁକ୍ତିର ଦ୍ୱାର ଖୋଲି ଡେଇଁ ପଡ଼ିବୁ

ଅଗ୍ନି ପରି ଶିଖା ଉଚ୍ଚ କୁ

ମୁଁ ବିଶ୍ୱାସ କରେ ତତେ

ତୁ ନିଶ୍ଚୟ ପାରିବୁ

ବାହାରିଯିବୁ ଓଢଣୀ ତଳୁ

ଲାଜରେ ଲାଲ ନହୋଇ

ଶିକ୍ଷାର ଉଜ୍ଜ୍ୱଳତାରେ ତେଜୀୟାନ ହେବୁ l


***********ଲୋପାମୁଦ୍ରା ମିଶ୍ର *********


Rate this content
Log in