ଲୀଳାମୟ କୃଷ୍ଣ

ହେ ଲୀଳାମୟ ପ୍ରେମମୟ କୃଷ୍ଣ 

ମୁଁ ତୁମକୁ ସ୍ପଷ୍ଟ ଦେଖିପାରୁଛି

ନୀଳ ଆକାଶର ବିଶାଳ ନୀଳିମାରେ 

ତୁମର ବିଶାଳତାକୁ 

ଅନୁଭବ କରିପାରୁଛି ।

ତୁମ କଥା ମୁଁ ଶୁଣିପାରୁଛି

ପାରାମାନେ ଯେତେବେଳେ 

ଖୁଦ ଖୁଣ୍ଟି ଖୁଣ୍ଟି

ଗୁମୁରି ଗୁମୁରି ହୋଇ ଖାଆନ୍ତି

ଚଢେଇମାନେ ଯେତେବେଳେ 

କିଚିରି ମିଚିରି ହୋଇ 

ଖୁସିରେ ଉଡିବୁଲନ୍ତି

କୋଇଲି ଯେତେବେଳେ କୁହୁ କୁହୁ ଗାଏ 

ତୁମର ବଂଶୀର ସ୍ୱର ମୁଁ ସ୍ପଷ୍ଟ ଶୁଣିପାରେ

ମୋ ହୃଦୟରେ ବାରମ୍ବାର ପ୍ରତିଧ୍ୱନିତ 

ତୁମ ବଂଶୀର ସପ୍ତସ୍ୱର 

ମୋତେ ଖାଲି ଶୁଣାଯାଏ 

ରାଧା ରାଧା କୃଷ୍ଣ କୃଷ୍ଣ।