ଲିଭିଲା ପୁରୁଣା ସ୍ମୃତି
ଲିଭିଲା ପୁରୁଣା ସ୍ମୃତି
1 min
164
ଜୀବନଟା ଏଠି ଯନ୍ତ୍ରଣା ଭିତରେ
କିପରି ବିତିବ ଦିନ
କହି ହୁଏ ନାହିଁ ସହି ହୁଏ ନାହିଁ
ବ୍ୟତିବ୍ୟସ୍ତ ହୁଏ ମନ ।
କେତେ ଆନନ୍ଦରେ ପତ୍ନୀ ପୁତ୍ର ଧରି
ଭ୍ରମଣରେ ଥିଲେ ମଜ୍ଜି
ଆଜି ଏ କରୋନା ଯମ ପାଲଟିଛି
ଘରେ ପ୍ରାଣ ଯାଏ ସିଝି ।
ଏରୁଣ୍ଡି ଡେଇଁଲେ କରୋନା ଗ୍ରାସିବ
ଭୟେ ପ୍ରାଣୀ ଥରହର
ମଲ୍ କି ଅବା ହୋଟେଲ ସଉକ
ଉଦାସେ କରିଲେ ପର ।
ଅନଲାଇନ୍ ରେ ଅର୍ଡର କରିଲେ
ଯେତେ ସବୁ ଖାଦ୍ୟ ପେୟ
ପୁରୁଣା ଅଭ୍ୟାସ ପ୍ରତ୍ୟାଖ୍ୟାନ କରି
ଗୃହେ ମନ କଲେ ଥୟ ।