ଲେଖା ପଛର ପ୍ରେରଣା
ଲେଖା ପଛର ପ୍ରେରଣା
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଅୟୁତ ଅୟୁତ ଯନ୍ତ୍ରଣା ସିକ୍ତ ମୁହୂର୍ତ୍ତ ହିଁ
ମୋ ଲେଖା ପଛର ପ୍ରେରଣା।
ଶିଶୁ ଟିଏ ଭୂମିଷ୍ଠ ହେଲେ,
ମାତୃତ୍ୱ ର ମହିମାରେ ବିମଣ୍ଡିତା ହୁଏ
ତା'ର ଜନ୍ମଦାତ୍ରୀ ମାତା।
ଅନେକ ଯନ୍ତ୍ରଣା କ୍ଲିଷ୍ଟ ଅସହ୍ୟ ମୁହୂର୍ତ୍ତକୁ ଅତିକ୍ରମ କରି
ସେ ପହଞ୍ଚିଥାଏ ସେଇ ଶୁଭ ମୁହୁର୍ତ୍ତରେ।
ଠିକ୍ ସେହିପରି ,
ମୋର ମାନସ ସନ୍ତାନ ବି ଜନ୍ମ ନିଏ
ଯନ୍ତ୍ରଣା ସିକ୍ତ ଅନେକ ମୁହୂର୍ତ୍ତକୁ ମୁଁ ବିତେଇବା ପରେ।
ମସ୍ତିଷ୍କ ଜରାୟୁ ମୋ'ର
ଅହେତୁକ ମାନସିକ ବେଦନାରେ ଯେତେବେଳେ
ଆକ୍ତା ମାକ୍ତା ହୁଏ ଓ
ଫାଟି ପଡ଼ିବାର ଉପକ୍ରମ କରେ
ଠିକ୍ ସେତେବେଳେ, ଅସମ୍ଭାଳ ହୋଇ
ପଦାକୁ ବାହାରି ଆସେ ମୋ ମାନସ ସନ୍ତାନ !
ଆଉ ମୁଁ କବୟିତ୍ରୀ ର ମହିମା ରେ ମଣ୍ଡିତା ହୋଇପଡ଼େ !!
ଏମିତି ହିଁ ତ ହୁଏ ସଦା ବେଳେ...........।