ଲାଉଫୁଲ ଦାଉ ଦାଉ
ଲାଉଫୁଲ ଦାଉ ଦାଉ
1 min
250
ଲାଉଫୁଲ ଦାଉ ଦାଉ
କଜ୍ଜଳପାତିଆ ଭଦର ଲୋକଟା
ତୁଛା କଥା ରାଉ ରାଉ !
ଲାଉଫୁଲ ଦାଉ ଦାଉ
ଅଇଁଠା ଖିଆର କୁକୁର ପ୍ରକୃତି
ପଛେ ଆସି ଭାଉ ଭାଉ !
ଲାଉଫୁଲ ଦାଉ ଦାଉ
କିଛି ନ ଜାଣିକି ଦୁନିଆ ଜାଣିଛି
ସବୁ ମାରେ ଫାଉ ଫାଉ !
ଲାଉଫୁଲ ଦାଉ ଦାଉ
ଶବଦ ଲାଗୁନି ପଦ ବି ଛିଡୁନି
ମୁଣ୍ଡ ବିନ୍ଧେ ଗାଉ ଗାଉ !
ଲାଉଫୁଲ ଦାଉ ଦାଉ
ମଦରୁ ଟିକିଏ ଶୁଙ୍ଘିଲା ମାତ୍ରକେ
କେତେ ଚାଲେ ହାଉ ହାଉ !
ଲାଉଫୁଲ ଦାଉ ଦାଉ
ବୁଢ଼ା କାଳେ ପୁଣି ନାଳୁଆ ଢଙ୍ଗଟା
ଟୋକୀ ହେବ ଲାଉ ଲାଉ !
ଲାଉଫୁଲ ଦାଉ ଦାଉ
କଂସାରୀ ଘରର ପାରାକୁ ଶୁଣାଏ
କୁଲା ବଜା ଢାଉ ଢାଉ !