କୁକୁର ଛିଣ୍ଡା ପୋଡା ରୁଟିର ଆଦର
କୁକୁର ଛିଣ୍ଡା ପୋଡା ରୁଟିର ଆଦର
ଖରା ବର୍ଷା ଶୀତ କାକର ଖାଇ
ବୃକ୍ଷ ତଳେ ଭୂଇଁ ରେ ଲୋଟଇ
ଭାବି ପ୍ରାସାଦ ତାର
ରାସ୍ତା କଡ଼ ଗଛ ମୂଳରୁ ଚେର l
ଅଧା ଛିଣ୍ଡା କୁକୁର ଖିଆ ରୁଟି ଖଣ୍ଡ କୁ
ଆଦର ରେ ସାଉଁଣ୍ଟୁଛି ନୀତି
ପେଟ ର ଜ୍ୱଳନ୍ତ ନିଆଁ ରୁ
ପାଇବାକୁ ଟିକେ ତ୍ରାହି l
ଶୀତ ରେ କମ୍ପେ ଆପାଦ ମସ୍ତକ
ଛିଣ୍ଡା ବେଡ଼ସିଟ କୁ ଗୋଟେଇ ଆଣେ ଆବର୍ଜନା କୁଣ୍ଡ ରୁ
ପାଇବାକୁ ଉଷୁମୁ ଟିକେ
ଥଣ୍ଡା କମ୍ପନ ରୁ l
କାଲି ଯାଇଥିଲା ଘର ଘର ମାଗି
କିଏ ଦିଅ ଟିକେ ଭାତ ଲୁଣ
ଫୋପାଡ଼ିଲେ ଉପରେ ତାର ତତଲା ପେଜ ପାଣି
ଦେହ ହାତ ସବୁ ଫୋଟକା ପୂର୍ଣ୍ଣ l
ନାହିଁ ଲୋଭ ତାର କାମିନୀ କାଂଚନେ
ନାହିଁ ମୋହ ତାର ଅଧିକ ଆୟୁଷ ରେ
ମେଣ୍ଟାଇଵା ପାଇଁ କ୍ଷୁଦା ତୃଷ୍ନା
କରେ ପରା ସେ ଟିକି ଆଶା l
ପଲଙ୍କ ଖୋଜେନି ଶାନ୍ତି ନିଦ ପାଇଁ
ଗଛ ମୂଳ କାଫି ତାର
ଟେକା ବୋଲୁଅ ର ମାଡ ମାରି
ନିଦ୍ରା ଭଙ୍ଗ ତାର ନକର
ପାର ଯଦି ତାକୁ ବସ୍ତ୍ର ଟିଏ ଦିଅ
ଏ ହେବ ପ୍ରକୃତ ମନୁଷ୍ୟ ପରିଚୟ l
ଧନୀ ଲୋକ ଖାଏ ବାଛି କରି ପସନ୍ଦ ନାପସନ୍ଦ
ପିଏ ବହୁ ପରିଷ୍କାର ଜଳ
ସେ ଚାହିଁ ରହିଥାଏ ତା ଅଇଁଠା ପତ୍ର ଛଡା ଖାଦ୍ୟ
ଆଉ ପିଏ ଭଙ୍ଗା ନଳକୂପ ପ୍ରଦୂଷିତ ଜଳ l
ରୋଗ ବୈରାଗେ କେତେ ଡାକ୍ତର ଔଷଧି
ଖଞ୍ଜା ପଛ କୁ ପଛ ଥିଲା ଵାଲା ଘରେ
ଗରିବ ଖୋଜେ କୋଉ ଡାଳ ପତ୍ର ଚେରମୂଳି
ପଡି ଥିଲେ ରୋଗେ l
କେତେ ଆସବାବ ପତ୍ର କେତେ ଯନ୍ତ୍ର ପାତି
କରି ବ୍ୟବହାର ଜାପୁଛ ସରଳ ଜୀବନ ଧନୀ
ଥରେ ଦେଖ ଭାବି
କଲେ ଦରିଦ୍ର କୁ ସହଯୋଗ ସେ ହେବ କେତେ ଖୁସି l