କଥାଅପଦେ କହିଦେ

ଦେରେ କାଳିଆ ଦେ     

ତୋ ପାଦେ ଶରଣ ଦେ

ଯେଉଁ ପଣ୍ଡା ତୋର ନୀତି ବନ୍ଦ କଲା

ତାର କାନ ଗିରି ଫଟେଇ ଦେ

ଦେରେ କାଳିଆ ଦେ

ତୋ ଅବଢ଼ା ଟିକିଏ ଦେ

ଯେଉଁ ପଣ୍ଡା ବ୍ରହ୍ମ ବିଭ୍ରାଟ କରିଲା

ତାକୁ ବିକଳାଙ୍ଗ କରିଦେ

ଦେରେ କାଳିଆ ଦେ

ତୋର ତୁଳସୀ ଟିକିଏ ଦେ

ଯେଉଁ ପଣ୍ଡା ତୋର ଭକ୍ତକୁ ପିଟିଲା

ତାକୁ ପାରାଲିସିସ କରିଦେ

ଦେରେ କାଳିଆ ଦେ

ଟଙ୍କ ତୋରାଣି ଟୋପାଏ ଦେ

ଯେଉଁ ପଣ୍ଡା ତୋର ଅପମାନ କଲା

ତାକୁ ବଡ଼ଦାଣ୍ଡେ ବସେଇ ଦେ

ନେରେ କାଳିଆ ନେ

ଆମ ଭୂମିଷ୍ଟ ପ୍ରଣାମ ନେ

ସାରା ଜଗତକୁ ଭଲରେ ରଖିବୁ

କଥା ପଦେ କହିଦେ