କଥା

କହି ଦେଇଥିବା କଥା କଣ

ଲେଉଟି ଆସେ ?

କହିବାକୁ କୋଇଲିର କୁହୁକୁହୁ ସ୍ୱର

ସାଧବ ବୋହୂର ଲାଲ ଲାଲ ଲାଜ

ଓ ବିଦାୟୀ ବସନ୍ତର ବିବର୍ଣ୍ଣ ବେଦନା ?

ଏବେ ଆମେ କା କଥା ଲାଗିବା ?

ନବ ନିର୍ମାଣର ଏକ ସଜ ସକାଳର

ନା ଭବ୍ୟ ଆରାଧନାମୟ ଈଶ୍ଵର ସନ୍ଧାନର ?

ଆସ ଆମେ କଥା ହେବା- 

ବୈଷମ୍ୟ ରହିତ ସମାଜ ବ୍ୟବସ୍ଥାର

ପାରଦର୍ଶୀ, ଉତ୍ତରଦାୟୀ ପ୍ରଶାସନର

ଆର୍ଥିକ ଅଭିବୃଦ୍ଧି ଯୁକ୍ତ ଫଳପ୍ରସୂ ଭନ୍ନୟନର

ଏକ ନୈତିକ ମୂଲ୍ୟ ଭିତିକ ସାଂସ୍କୃତିକ ଆନ୍ଦୋଳନର

ଆମେ କଥା ହେବା: କୁକୁ କୁକୁ ଗିରି ଝରଣାର

ପ୍ରେମ ଓ ସଂପ୍ରୀତିର ଅସରନ୍ତି ଫଗୁର

ସୁରମ୍ୟ ସମ୍ପର୍କ ଭରା ଏକ ସୃଜନଶୀଳ ସୂର୍ଯ୍ୟୋଦୟର ।