କଥା ଦିଅ ଜଗନ୍ନାଥ

• କବି ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• ପ୍ରଭୁ ଜଗନ୍ନାଥ ମୋର ହେବ କି ସାଙ୍ଗ

• ହେ ପ୍ରଭୁ ଜଗନ୍ନାଥ ମୋର…।।

•

• ପାଦ ନାହିଁ ତୁମ ବୁଲାଇ ଦେବି ହେ ସାରା ଜଗତ

• ହାତ ନାହିଁ ତୁମ ଖୁଆଇ ଦେବି ହେ ଅବଢ଼ା ଭାତ

• ସଜାଇ ଦେବି ହେ ନାନା ରଙ୍ଗର ଫୁଲେ

• ଦଦରା ନାଆ ରେ ସଂସାର ଜଳରେ ଭାସିଗଲା ବେଳେ

• କଥାଦିଅ ତୁମେ ଧରିବ ମଙ୍ଗ

• ପ୍ରଭୁ ଜଗନ୍ନାଥ ମୋର…..।।

•

• ପିତ ପାଟଶାଢ଼ୀ କୁଞ୍ଚ କାନୀ କରି ଦେବି ପିନ୍ଧାଇ

• ଚନ୍ଦନ ଚୁଆରେ ଗଙ୍ଗା ଜଳ ନେଇ ଦେବି ଗାଧୋଇ

• ମୋ ହୃଦୟ ସିଂହା -ସନେ ବସାଇବି

• ସଂସାର ନିଆଁ ରେ ତାର ହୁତାଶନେ ଜଳିବା ବେଳରେ

• କଥା ଦିଅ ଟାଳି ଦେବ ଆତଙ୍କ

• ପ୍ରଭୁ ଜଗନ୍ନାଥ ମୋର…।।

•

• ଛାତିରେ ଲେଖିଛି ଦେଖ ଆଜି ଠାରୁ ତୁମରି ନାଆଁ

• ତୁମେ ମୋ ସଂସାର ତୁମେ ମୋ ଆଖିର ଦେଶ ଦୁନିଆଁ

ବଡ଼ ଠାକୁର ହେ ମୁଁ ତୁମ କିଙ୍କର

• ଜନମେ ଜନମେ ପ୍ରଫୁଲ୍ଲ ଜୀବନେ ବିରାଜିତ ହୋଇ

• କଥା ଦିଅ ଦେବ ନୂତନ ରଙ୍ଗ

• ପ୍ରଭୁ ଜଗନ୍ନାଥ ମୋର…।।