କଶତଣ୍ଡି ଫୁଲ

କାଶତଣ୍ଡି ଫୁଲେ ମହି ଦିଶଇ ଧବଳ  

          ଧରଣୀ ରାଣୀ ତୁମେ ହସି ଉଠିଲ

ହୃଷ୍ଟ ପୃଷ୍ଟ ଆଜି ଚଉଦିଗ ପୂରି 

         ଧବଳ କାନନ ଅବା ସୁଶିତଳ ।

ନଦୀ ନାଳ ଗର୍ଭେ ଜାତ ଭିଆଇ 

          ଶୀତଳ ସ୍ପର୍ଶ ଯେ ମନେ ଭରଇ

ଧରଣୀ ରାଣୀ ଦେହେ ହୋଇଣ ସ୍ପର୍ଶ  

          ଦଶହରା ଆଗମନ ଦିଏ ସୂଚାଇ ।

ଧବଳ ଟଗର କେଶ ତା ମଞ୍ଜୁଳା

             ସୁଶୋଭିତ ଦିଶେ ବନ ରାଜି 

ବୋହୂଟେ ଓଢ଼ଣୀ ଟାଣୀଛି ସତେକି 

              ପ୍ରୀତିର ପରସ ବାଜି ।

ରୂପ ଯୌବନ ଭରା କଳସୀ 

                ଧରଣୀ ଗାଉଛି ଗୀତ 

ଚାମର ମାରୁଛି ମୁଣ୍ଡରେ ତୋହର 

            ଧରଣୀ ରାଣୀ ହୁଏ ଉସତ ।

ଶୀତଳ ପବନ ବାଜିଲେ ଦେହେ 

             କାଶତଣ୍ଡି ଯାଏ ଲୋଟି

ଧୋବ ଫର ଫର ପାଟ ଶାଢ଼ୀ ପିନ୍ଧି 

              ଧାରା ଟି ଶ୍ରାବଣ କଢ଼ି ।

ଦେଖି ଦେଲେ ନେତ୍ର ତୃପ୍ତି ଭରିଯାଏ

             ଦେଖି ତୁମରି ଅପୂର୍ବ ଆଭା

ଶରତରେ ତୁମ ଆଗମନ ହୁଏ

           ପୃଥିବୀ ଦିଶଇ ଅପୁର୍ବ ଶୋଭା ।