କୃପାସିନ୍ଧୁ କର କୃପା

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• କୃପାରେ କୃପଣ କିଆଁ କୁହ ହୁଅ ହେ କାଳିଆ

• କୃପାସିନ୍ଧୁ ବୋଲି ନାମ କାହିଁକି ହେ ବୋଲାଇବ

• ତୁମେ ଥାଉ ଥାଉ ନାଥ ଦୀନ ହୋଇବ ଅନାଥ

• ଏହା କି ଶୋଭା ଦିଶିବ ।।

•

• ତୁମେ ତ ଆରତତ୍ରାଣ ମୁଁ ଅଟଇ ହୀନ ଜନ

• ମୋରେ କୃପା ନକରିଲେ

• କେ ମୋର ଦୁଃଖ ଫେଡିବକୃପାସିନ୍ଧୁ

• କୃପାରେ କୃପଣ କିଆଁ…. ।।

•

• ପଙ୍କଜ ପଦ ରେ ଲୟ କରି କରେ ଅନୁନୟ

• ତବ କୃପା ଜଳ ବିନା

• କେମନ୍ତେ ପ୍ରାଣ ବଞ୍ଚିବ

• କୃପା ରେ କୃପଣ କିଆଁ…. ।।

•

• ଦୁଃଖ ଜ୍ଵାଳା ସହି ନୋହି ବୁଦ୍ଧି ବାଟ ଦିଶୁନାହିଁ

• କେମନ୍ତେ କାଟିବି କାଳ

• କାହିଁରେ ନମିଳେ ଠାବ

• କୃପାରେ କୃପଣ କିଆଁ…. ।।

•

• ମଝି ଗଣ୍ଡରେ ମୋ ନାବ ଭାସୁଅଛି ହେ ଭୋଦେବ

• ଉଦ୍ଧାର ନକଲେ ପ୍ରଭୁ

• ଆଉ କିଏ ଉଦ୍ଧାରିବ

• କୃପାରେ କୃପଣ କିଆଁ…. ।।

•

• କରିଅଛି କେତେ ଆଶା ରଖିବ ମୋର ଭରସା

• ଦାସ ଯେବେ ନାଶଯିବ

• କେଉଁ ଯଶ ଅରଜିବ

• କୃପାରେ କୃପଣ କିଆଁ…. ।।

•

• ଡାକଇ ପ୍ରଫୁଲ୍ଲ ଦୀନ ରଖ ପ୍ରଭୁ ନାରାୟଣ

• ବିନତୀ କରେ ପୟରେ

• ଦୟା ଊଣା ନକରିବ ,

କୃପାରେ କୃପଣ କିଆଁ…..।।