କୃପା ବାରି ଦିଅହେ ଢାଳି
କୃପା ବାରି ଦିଅହେ ଢାଳି
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ବନ୍ଦଇ ଶ୍ରୀ ଚରଣ ତୁମ
ପ୍ରଭୁ ଗିରିଜା ନନ୍ଦନ ,
ସର୍ବ ପାପ ବିନାଶକ ହେ
ବକ୍ର ତୁଣ୍ଡ ଗଜାନନ ॥୧॥
ବିନାୟକ ବିଘ୍ନେଶ୍ଵର ହେ
ଲମ୍ବୋଦର ଗଣପତି,
ସର୍ବ ପ୍ରଥମେ ତୁମେ ପ୍ରଭୁ
ପୂଜା ପାଉଥାଅ ନିତି ॥୨॥
ବିଚକ୍ଷଣ ବୁଦ୍ଧି ବଳରେ
ଚଢି ମୂଷିକ ବାହାନେ ,
ପରିକ୍ରମା କଲ ବିଶ୍ଵକୁ
ହେଇ ଆନନ୍ଦିତ ମନେ ॥୩॥
ଗୋଉରୀ ନନ୍ଦନ ସୁଦୟା
ଥାଉ ମହୀ ମଣ୍ଡଳରେ ,
ଭକତି ଚିତ୍ତରେ ବନ୍ଦୁଛି
ପ୍ରଭୁ ତୁମରି ପୟରେ ॥୪॥
କୃପା ବାରି ଦିଅହେ ଢାଳି
ଅବନିଶ ଦୟାବନ୍ତ,
ଭାଲଚନ୍ଦ୍ର ମଙ୍ଗଳ ମୂର୍ତ୍ତୀ
ବୁଦ୍ଧିଦାତା ଏକଦନ୍ତ ॥୫॥
ନମସ୍ତେ କୀର୍ତ୍ତି ମୃତ୍ୟୁଞ୍ଜୟ
ବିଶ୍ଵରାଜା ବିଶ୍ଵମୁଖ ,
ପୀତାମ୍ବର ହେ ରୁଦ୍ରପ୍ରିୟ
ଉମାସୁତ ହେ ସୁମୁଖ ॥୬॥