କରୋନା ହାରିବ ଦେଶ ଜିତିବ

ମୁନୁଷ୍ ଜୀବନ କେ କରୁଛେ ଛଟପଟ

କରୋନା ଦେଖତ ଭାଇ,

କେତେ ରୁବାବ୍ ଦେଖେଇ ହେଉଛେ

ବାହାର୍ ଦେଶୁ ଆଇ ।

କେତେ ରୋଗ୍ ବେମାର୍ ଗଲେନ ହାରି

କରୋନା ମାରସି ବାହାଦୂରି,

ବାହାରୁ ଆସିକରି, ଆମର୍ ଦେଶେ

କରୁଛେ କେତେ ଦାଦାଗିରି ।

ନାଇଁ ଜାନି ସେ ଆମର୍ ଦେଶର୍ ଏକତା

ଆମେ ହେଉ ଜଗତଜିତା, 

କରୋନା ତୋର୍ ଫୁଟାନି ଭଙ୍ଗେଇ ଦେମୁ

ତୋର୍ ଜଲେଇ ଚିତା ।

ଆମର୍ ବୀର୍ ଯୁନ୍ଧାମାନେ ଅଛନ୍ ଲଢି

କରୋନା ହରାମୁ କହି,

ସବୁ ବଲ୍,ବଫୁ ଲଗେଇ ଦେଇଛନ୍

ଦେଶ ଜିତିବା କହି ।

କେତେଦିନ୍ ଆଉଁ ହେବୁ କରୋନା କାଲ୍

ତୋର୍ ବି ବାହାରିବା ଝାଲ୍,

ସମିଆଁ ଆଉଛେ ଟିକେ ରହିଥା ଟାକି

ତୋରି ବି ଆଉଛେ କାଲ୍ ।

 

କରୋନା ହାରବା ଦେଶ ଜିତିବା

ମାହାପୁରୁ ହେବେ ସାହା,

ଭାରତ୍ ଦେଶ୍ ଆର୍ ଥରେ ହସବା

କରୋନା ହେବା ସ୍ବାହା ।